ಟೊಯೋಟಾ ಒಂದೂವರೆ ಕೋಟಿ ಕಾರು ಹಿಂದಕ್ಕೆ

ಇದರಿಂದಾಗಿ ಜಾಗತಿಕ ಮಾರುಕಟ್ಟೆಯಲ್ಲಿ ಕಳೆದ ವರ್ಷ ಜನರಲ್ ಮೋಟಾರ್ಸ್ ನ್ನು ಹಿಂದಿಕ್ಕಿ ದೊರಕಿದ ನಂಬರ್ ಒನ್ ಪಟ್ಟವನ್ನು ಟೊಯೋಟಾ ಈ ವರ್ಷ ಕಳೆದುಕೊಳ್ಳುವ ಸಾಧ್ಯತೆ ನಿಚ್ಚಳವಾಗಿದೆ.

ಇದರಲ್ಲಿ ಹೆಚ್ಚಿನ ಕಾರು, ಮಿನಿ ವ್ಯಾನ್ ಗಳನ್ನು ಜಪಾನ್ ನಿಂದ ಹಿಂಪಡೆಯಲಿದೆ. ಇದರಲ್ಲಿ ಸುಮಾರು 12 ಲಕ್ಷದಷ್ಟು ನೊಹಾ ಮಿನಿವ್ಯಾನ್, 75 ಸಾವಿರ ಕ್ರೊನ್ ಮಾಡೆಲ್, 6 ಸಾವಿರ ಟೌನೆಸ್ ವ್ಯಾನ್ ಗಳು ಸೇರಿವೆ. ಇಷ್ಟೇ ಅಲ್ಲದೇ ಜಾಗತಿಕ ಮಾರುಕಟ್ಟೆಗೆ ಮಾರಾಟ ಮಾಡಿದ ಅಂದಾಜು 14.9 ಲಕ್ಷ ಆವೆನಿಸ್ ಮಾಡೆಲ್ ಗಳನ್ನು ಹಿಂಪಡೆಯಲಿದೆ. 2000ರ ಮಾರ್ಚ್ ನಿಂದ 2008ರ ಅಕ್ಟೋಬರ್ ವರೆಗೆ ಉತ್ಪಾದಿಸಿರುವ ಮಾಡೆಲ್ ಗಳನ್ನು ವಾಪಸ್ಸು ಪಡೆಯಲಿದೆ.

ಕಂಪನಿಯ ಈ ನಿರ್ಧಾರ ಕಂಪನಿಯ ಮಾರುಕಟ್ಟೆ ಮೇಲೆಯೂ ದೊಡ್ಡ ಹೊಡೆತ ನೀಡಿದೆ. ನಿನ್ನೆ ಅಪರಾಹ್ನದ ವಹಿವಾಟಿನಲ್ಲಿ ಟೊಯೊಟಾ ಷೇರು ದರ ಶೇಕಡಾ 2ರಷ್ಟು ಕುಸಿದಿತ್ತು. ಆದರೆ ಈ ಹಿಂಪಡೆತದಿಂದ ಕಂಪನಿಗೆ ಉಂಟಾಗುವ ನಷ್ಟವನ್ನು ವಕ್ತಾರರು ಇನ್ನೂ ಬಹಿರಂಗಪಡಿಸಿಲ್ಲ.