ಎಂಜಿನ್ ಸಮಸ್ಯೆ; ಸಿಟಿ ಸೆಡಾನ್ ಕಾರ್ ಗಳ ವಾಪಸ್ಸಾತಿ

ನವೆಂಬರ್ 2008ರಿಂದ ಡಿಸೆಂಬರ್ 2009ರವರೆಗೆ ಮಾರಾಟ ಮಾಡಿರುವ ಸಿಟಿ ಕಾರ್ ಗಳನ್ನು ವಾಪಸ್ಸು ಪಡೆಯುವುದಾಗಿ ಕಂಪನಿ ಪ್ರಕಟಿಸಿದೆ. ಎಂಜಿನ್ ಸ್ಪ್ರಿಂಗ್ ಬದಲಾಯಿಸುವ ಉದ್ದೇಶದಿಂದ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಕಂಪನಿ ಹೇಳಿದೆ. ಸ್ಪ್ರಿಂಗ್ ಸಮಸ್ಯೆಯಿಂದ ಎಂಜಿನ್ ಹೆಚ್ಚು ಶಬ್ದ ಮಾಡುತ್ತಿದ್ದರಿಂದ ಕಂಪನಿ 50 ಸಾವಿರಕ್ಕಿಂತ ಹೆಚ್ಚು ಕಾರ್ ಗಳನ್ನು ವಾಪಸ್ಸು ಪಡೆಯಲಿದೆ.

ಇದೇ ಕಾರಣಕ್ಕಾಗಿ ಈಗಾಗಲೇ ಹೋಂಡಾ ಜಾಗತಿಕವಾಗಿ ಸುಮಾರು 6,93,497 ಯೂನಿಟ್ ಫಿಟ್, ಸಿಟಿ ಮತ್ತು ಫ್ರೀಡ್ ಮಾಡೆಲ್ ಗಳನ್ನು ವಾಪಸ್ಸು ಪಡೆದಿತ್ತು. ಇನ್ನು ಭಾರತದಲ್ಲಿ ಸಿಟಿ ಸೆಡಾನ್ ಕಾರ್ ಗಳ ವಾಪಸ್ಸಾತಿ ಸುರು ಆಗಲಿದೆ. ಆದರೆ ಜಾಝ್ ಕಾರ್ ಗಳನ್ನು ಹಿಂದಕ್ಕೆ ಪಡೆಯಲಾಗುವುದಿಲ್ಲ ಎಂದು ಕಂಪನಿ ತಿಳಿಸಿದೆ. ಯಾಕೆಂದರೆ ಫಿಟ್ ಜಾಝ್ ಮುಂತಾದ ಕಾರ್ ಗಳು 1.5ಲೀಟರ್ ನ ಐ-ವಿಟೆಕ್ ಎಂಜಿನ್ ಹೊಂದಿವೆ.