Click it and Unblock the Notifications
ದೇಶದ ರಸ್ತೆಗೆ ಹೊಸ ವೇಷದಲ್ಲಿ ಫಿಯೆಟ್ ಪಾಲಿಯೊ ಮರುಪ್ರವೇಶ
ಫಿಯೆಟ್ ಕಂಪನಿಯು ತನ್ನ ಗ್ರಾಂಡೆ ಪುಂಟೊ ಕಾರ್ ಗೆ ಮಾರುಕಟ್ಟೆ ಹೆಚ್ಚಿಸುವ ಉದ್ದೇಶದಿಂದ ಪಾಲಿಯೊ ಕಾರ್ ಮಾರಾಟಕ್ಕೆ ಹೆಚ್ಚಿನ ಒತ್ತು ನೀಡಿರಲಿಲ್ಲ. ಆದರೆ ಪಾಲಿಯೊ ಕಾರ್ ಕುರಿತು ಮಾರುಕಟ್ಟೆಯಲ್ಲಿನ್ನೂ ಬೇಡಿಕೆ ಚಾಲ್ತಿಯಲ್ಲಿರುವುದರಿಂದ ಮತ್ತೆ ಹೊರತರಲು ಯೋಜಿಸಿರುವುದಾಗಿ ಫಿಯೆಟ್ ಉಪಾಧ್ಯಕ್ಷರು ಹೇಳಿದ್ದಾರೆ. ಷೆವರ್ಲೆ ಸ್ಪಾರ್ಕ್, ಬೀಟ್, ಟಾಟಾ ಇಂಡಿಕಾ, ಫೋರ್ಡ್ ಫಿಗೊ ಮತ್ತು ಹ್ಯುಂಡೈ ಸ್ಯಾಂಟ್ರೊ ಕ್ಸಿಂಗ್ ಮುಂತಾದ ನಾಲ್ಕು ಲಕ್ಷ ರೂ. ಆಸುಪಾಸಿನ ಕಾರ್ ಸೆಗ್ಮೆಂಟ್ ನಲ್ಲಿ ಪಾಲಿಯೊ ಗುರುತಿಸಿಕೊಂಡಿತ್ತು.
ದೇಶದಲ್ಲಿ ಟಾಟಾ ಮೊಟರ್ಸ್ ಜಂಟಿ ಉದ್ಯಮವಾಗಿ ಫಿಯೆಟ್ ಕಾರ್ಯ ನಿರ್ವಹಿಸುತ್ತಿದೆ. ಇವೆರಡು ಜಂಟಿ ಉದ್ಯಮಗಳು 50:50 ಪಾಲು ಹೊಂದಿವೆ. ಫಿಯೆಟ್ ಎಂಜಿನ್ ತಂತ್ರಜ್ಞಾನದ ಲಾಭ ಪಡೆಯುವ ಉದ್ದೇಶದಿಂದ ಟಾಟಾ ಮೋಟರ್ಸ್ ಫಿಯೆಟ್ ನೊಂದಿಗೆ ಜಂಟಿ ಉದ್ಯಮಕ್ಕೆ ಪ್ರವೇಶಿಸಿತ್ತು. ಈ ವಹಿವಾಟು ಸುಮಾರು 4 ಸಾವಿರ ಕೋಟಿ ರೂ. ಹೂಡಿಕೆಯಿಂದ ನಡೆಯುತ್ತಿದೆ. ಜಂಟಿ ಉದ್ಯಮ ಸ್ಥಾಪನೆಯಾದ ನಂತರ ಫಿಯೆಟ್ ಗ್ರಾಂಡೆ ಪುಂಟೊ ಮತ್ತು ಫಿಯೆಟ್ ಲಿನಿಯಾ ಕಾರ್ ಗಳು ಮಾರಾಟ ಆರಂಭವಾಗಿದೆ. ಆದರೆ ಮಾರಾಟದ ಪ್ರಮಾಣ ಇಳಿಮುಖವಾಗಿರುವುದರಿಂದ ಟಾಟಾ ಮೋಟರ್ಸ್ ಡೀಲರ್ ನೆಟ್ ವರ್ಕ್ ಹೆಚ್ಚಿಸಲು ತೊಡಗಿದೆ.
Continue with Google