Click it and Unblock the Notifications
ದೇಶದ ರಸ್ತೆಗಿಳಿಯಲಿದೆ ರೆನಾಲ್ಟ್ ನ 5 ಹೊಸ ಕಾರ್
ಕಂಪನಿಯು ಮುಂದಿನ ವರ್ಷದೊಳಗೆ 5 ಹೊಸ ಕಾರ್ ಗಳನ್ನು ಹೊರತರಲು ಯೋಜಿಸಿದೆ. ಅದರಲ್ಲಿ ಒಂದು ಮಾಡೆಲ್ "ಫ್ಲ್ಯೂಯನ್ಸ್" ಈ ವರ್ಷದ ಮಧ್ಯಾವಧಿಯಲ್ಲಿ ರಸ್ತೆಗಿಳಿಯುವ ನಿರೀಕ್ಷೆಯಿದೆ ಎಂದು ಅವರು ಹೇಳಿದ್ದಾರೆ. ರಷ್ಯಾ ಮತ್ತು ಬ್ರೇಝಿಲ್ ಸೇರಿದಂತೆ ಭಾರತ ಕೂಡ ಕಂಪನಿಗೆ ಬೃಹತ್ ಮಾರುಕಟ್ಟೆಯಾಗಿದೆ ಎಂದರು. ಈ ವರ್ಷ ಅಕ್ಟೋಬರ್ ವೇಳಗೆ ಕಂಪನಿಯ ಕೊಲಿಯೊಸ್ ಹೈ ಎಂಡ್ ಕಾಂಪ್ಯಾಕ್ಟ್ ಸ್ಪೋರ್ಟ್ಸ್ ಕಾರ್ ದೇಶದ ರಸ್ತೆಗಿಳಿಯಲಿದೆ.
"ಫ್ಲ್ಯೂಯನ್ಸ್" ರಸ್ತೆಗಿಳಿಯುವ ಮುನ್ನ ಕಂಪನಿಯು ಡೀಲರ್ ನೆಟ್ ವರ್ಕ್ ಸಂಖ್ಯೆಯನ್ನು 7ರಿಂದ 10ಕ್ಕೆ ಹೆಚ್ಚಿಸಲು ರೆನಾಲ್ಟ್ ನಿರ್ಧರಿಸಿದೆ. 2012ಕ್ಕೆ ಡೀಲರ್ ನೆಟ್ ವರ್ಕ್ ಸಂಖ್ಯೆಯನ್ನು ಸುಮಾರು 70ಕ್ಕೆ ಹೆಚ್ಚಿಸುವ ಯೋಜನೆಯನ್ನು ಕಂಪನಿ ಹೊಂದಿದ್ದು, ಶೇ. 80ರಷ್ಟು ಭಾರತದ ಮಾರುಕಟ್ಟೆಯನ್ನು ತಲುಪುವ ಗುರಿ ಹೊಂದಿರುವುದಾಗಿ ಅವರು ಹೇಳಿದ್ದಾರೆ. ಪ್ರಸಕ್ತ ದಶಕದಿಂದ ಕಂಪನಿಯು ದೇಶದ ವಾಹನ ಮಾರುಕಟ್ಟೆಯಲ್ಲಿ ಶೇ. 5ರಷ್ಟು ಪಾಲು ಪಡೆಯುವ ಗುರಿಯನ್ನು ಹೊಂದಿರುವುದಾಗಿ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕರು ತಿಳಿಸಿದ್ದಾರೆ.
2014ಕ್ಕೆ ಕಂಪನಿಯು ಸುಮಾರು 70 ಸಾವಿರ ವಾಹನಗಳನ್ನು ಪೂರೈಕೆ ಮಾಡುವ ಸಾಮರ್ಥ್ಯ ಹೊಂದಿರಲಿದೆ ಎಂದು ಕಂಪನಿಯ ಉಪಾಧ್ಯಕ್ಷರು ಹೇಳಿದ್ದಾರೆ. ಮಧ್ಯಮ ಮತ್ತು ಮೇಲ್ಮಧ್ಯಮ ವರ್ಗದ ಗ್ರಾಹಕರಿಂದ ಕಂಪನಿಯು ಬೇಡಿಕೆ ಪಡೆಯುತ್ತಿದ್ದು, ಹೈಯರ್ ಎಂಡ್ ಸೆಗ್ಮೆಂಟ್ ಗೆ ಪ್ರವೇಶಿಸುವ ಯೋಜನೆ ಕಂಪನಿಗೆ ಸದ್ಯಕ್ಕಿಲ್ಲ ಎಂದರು.
Continue with Google