ಪೊರ್ಷ್ ಹೊರತಂದಿದೆ ಐದು ಐಷಾರಾಮಿ ಕಾರ್

ದೇಶದ ವಾಹನ ಮಾರುಕಟ್ಟೆಗೆ ಪೋರ್ಷ್ ಪ್ರವೇಶಿಸಿದ್ದು 2003ರಲ್ಲಿ. ಆ ಸಮಯದಲ್ಲಿ ಮೊದಲ ಶೋರೂಂನ್ನು ನವದೆಹಲಿಯಲ್ಲಿ ಆರಂಭಿಸಿತ್ತು. ನಂತರ ಕಂಪನಿಯು ತನ್ನ ಮಾರುಕಟ್ಟೆಯನ್ನು ವಿಸ್ತರಿಸಿದ್ದು, ಈಗ ಚೆನ್ನೈ ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ಪ್ರಸಕ್ತ ವರ್ಷ ದೇಶದಲ್ಲಿ ಸುಮಾರು 500 ಕಾರ್ ಮಾರಾಟದ ಗುರಿಯನ್ನು ಕಂಪನಿ ಹೊಂದಿದೆ. ಮುಂದಿನ ಕೆಲವು ತಿಂಗಳಲ್ಲಿ ದೇಶದ ವಾಹನ ಮಾರುಕಟ್ಟೆಗೆ ಹೈಬ್ರಿಡ್ ಸೂಪರ್ ಕಾರ್ ಪರಿಚಯಿಸುವ ಯೋಜನೆಯನ್ನೂ ಹೊಂದಿದೆ.

ಭಾರತದಲ್ಲಿ ಕಂಪನಿಯು ಕಳೆದ ವರ್ಷ ಕೇವಲ 130 ಕಾರ್ ಮಾರಾಟ ಮಾಡಿದೆ. ಆದರೆ ಕಳೆದ ತಿಂಗಳು ಪೆಬ್ರವರಿ ಅಂತ್ಯದ ವೇಳೆಗೆ ಇದರ ಸಂಖ್ಯೆ 217ಕ್ಕೆ ಮುಟ್ಟಿದೆ ಎಂದು ಕಂಪನಿಯ ಮಾರಾಟ ವಿಭಾಗದ ನಿರ್ದೇಶಕರು ಹೇಳಿದ್ದಾರೆ. ಸದ್ಯ ಕಂಪನಿ ಚೆನ್ನೈನಲ್ಲಿ ಹೊರತಂದಿರುವ ಮಾರಾಟ ಕೇಂದ್ರವು ಭಾರತದಲ್ಲಿ ಕಂಪನಿಯ ನಾಲ್ಕನೇಯದ್ದಾಗಿದೆ. ಈ ಮಾರಾಟ ಕೇಂದ್ರವು ದಕ್ಷಿಣ ಭಾಗದಲ್ಲಿರುವ ಎರಡನೇ ಬೃಹತ್ ಕೇಂದ್ರವೂ ಹೌದು. ಅಂದಹಾಗೇ ಕಂಪನಿ ಪರಿಚಯಿಸಿರುವ ಕಾರ್ ದರಗಳು ಸುಮಾರು 59 ಲಕ್ಷ ರೂ.ನಿಂದ 2.50 ಕೋಟಿ ರೂ.ವರೆಗಿದೆ.