ಪೋಲಿಸರಿಗೆ ಅಂಬಾಸಿಡರ್ ಕಾರ್ ಬೇಡವಂತೆ!!

"ಸುಲಭ ನಿರ್ವಹಣೆ ಮತ್ತು ಇಂಧನ ದಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಮಾರುತಿ ಎಸ್ಎಕ್ಸ್4ನಂತಹ ಕಾರ್ ಗಳನ್ನು ಖರೀದಿಸುವ ಪ್ರಕ್ರಿಯೆ ಆರಂಭಿಸಿದ್ದೇವೆ" ಎಂದು ದೆಹಲಿ ಪೋಲಿಸ್ ಕಮಿಷನರ್ ಬಿ ಕೆ ಗುಪ್ತಾ ಹೇಳಿದ್ದಾರೆ. ಈ ಪ್ರಸ್ತಾಪವನ್ನು ಬಹಳಷ್ಟು ದಿನಗಳ ಹಿಂದೆಯೇ ಗೃಹ ಸಚಿವಾಲಯಕ್ಕೆ ಕಳುಹಿಸಿಕೊಡಲಾಗಿತ್ತು. ಈಗ ಆ ಪ್ರಸ್ತಾಪಕ್ಕೆ ಅನುಮತಿ ದೊರಕಿದ್ದು ಬಿ ಕೆ ಗುಪ್ತಾ ಅಂತಹ ಕಾರ್ ಪಡೆದವರಲ್ಲಿ ಮೊದಲಿಗರಾಗಿದ್ದಾರೆ.

ಇಂಧನ ದಕ್ಷತೆ, ನಿರ್ವಹಣಾ ವೆಚ್ಚ, ಆರಾಮದಾಯಕತೆ ಮತ್ತು ವೇಗ ಎಂಬ ನಾಲ್ಕು ಮಾನದಂಡಗಳನ್ನಿಟ್ಟುಕೊಂಡು ನೂತನ ಮಾರುತಿ ಎಸ್ಎಕ್ಸ್ 4 ಖರೀದಿಸಲಾಗಿದೆ ಎಂದು ಅಂಬಾಸಿಡರ್ ಕೈಬಿಟ್ಟದಕ್ಕೆ ಸೃಷ್ಟಿಕರಣವನ್ನು ಗುಪ್ತಾ ನೀಡಿದ್ದಾರೆ. ದೆಹಲಿ ಪೋಲಿಸರಿಗೆ ನೀಡಿದ ಎಸ್ಎಕ್ಸ್4 ಕಾರಿನಲ್ಲಿ ಸುರಕ್ಷತೆಯ ದೃಷ್ಟಿಯಿಂದ ರೇಡಿಯೋ ಟ್ಯಾಗ್ ಅಳವಡಿಸಲಾಗಿದೆ. ಉಳಿದಂತೆ ಪೋಲಿಸರಿಗೆ ನೀಡಿದ ಎಸ್ಎಕ್ಸ್ 4 ಕಾರಿಗೂ, ಕಂಪನಿಯ ಇತರ ಸಾಮಾನ್ಯ ಜನತೆಗೆ ನೀಡಿದ ಕಾರಿಗೂ ಬೇರಾವ ಫೀಚರ್ ಗಳ ವ್ಯತ್ಯಾಸವಿಲ್ಲ.