ಆರನೇ ಸ್ಥಾನದತ್ತ ದೇಶದ ಕಾರ್ ಮಾರುಕಟ್ಟೆ

ಪ್ರಸಕ್ತ ಆರ್ಥಿಕ ವರ್ಷದ ಮೊದಲ 7 ತಿಂಗಳಲ್ಲಿ (ಏಪ್ರಿಲ್ 2010ರಿಂದ ಫೆಬ್ರವರಿ 2011ರವರೆಗೆ) ಭಾರತದ ವಾಹನ ಕಂಪನಿಗಳು ಒಟ್ಟು 26.78 ಲಕ್ಷ ಕಾರ್ ಉತ್ಪಾದಿಸಿವೆ. 2015ಕ್ಕೆ ಭಾರತ ವಿಶ್ವದ 6ನೇ ಬೃಹತ್ ಕಾರ್ ತಯಾರಿಕಾ ಕಂಪನಿಯಾಗಲಿದೆ ಎಂದು ಭಾರತದ ವಾಹನ ಉತ್ಪಾದಕರ ಒಕ್ಕೂಟ(ಎಸ್ಐಎಎಂ) ಈ ಹಿಂದೆ ಅಂದಾಜಿಸಿತ್ತು. ಆದರೆ ಈ ಆರ್ಥಿಕ ವರ್ಷದ ಗರಿಷ್ಟ ವಾಹನ ಉತ್ಪಾದನೆಯ ನೆರವಿನಿಂದ ಮತ್ತು ಐಷಾರಾಮಿ ಕಾರ್ ಗಳಿಗೂ ಬೇಡಿಕೆ ಏರಿಕೆ ಕಂಡಿರುವುದರಿಂದ ನಿರೀಕ್ಷೆಗಿಂತ ಮೊದಲೇ ಭಾರತ 6ನೇ ಸ್ಥಾನ ಪಡೆಯುವ ಸಾಧ್ಯತೆಯಿದೆ.

"ಈ ಹಿಂದೆ ನಾವು ಅಂದಾಜಿಸಿದ್ದಕ್ಕಿಂತ ವಾಹನ ಉತ್ಪಾದನೆ ಹೆಚ್ಚಾಗಿದೆ. ಮುಂದಿನ ಆರ್ಥಿಕ ವರ್ಷದಲ್ಲಿ ಈ ವರ್ಷಕ್ಕಿಂತ ಸುಮಾರು ಶೇ 14-16ರಷ್ಟು ವಾಹನ ಮಾರಾಟ ಹೆಚ್ಚಾಗುವ ನಿರೀಕ್ಷೆಯಿದೆ" ಎಂದು ಎಸ್ಐಎಎಂನ ಹಿರಿಯ ನಿರ್ದೇಶಕರಾದ ಸುಜಾತೊ ಸೇನ್ ಹೇಳಿದ್ದಾರೆ.