ಬಜಾಜ್ ಸಣ್ಣ ಕಾರು: ಮುಂದಿನ ವರ್ಷ ರಸ್ತೆಗಿಳಿಯುವ ನಿರೀಕ್ಷೆ

ದೇಶದಲ್ಲಿ ಸಣ್ಣ ಕಾರೊಂದನ್ನು ಹೊರತರಲು ಕಂಪನಿಯು ಕೆಲವು ವರ್ಷದ ಹಿಂದೆ ರೆನಾಲ್ಟ್ ಎಸ್ಎ ಮತ್ತು ನಿಸ್ಸಾನ್ ನೊಂದಿಗೆ ಒಪ್ಪಂದವೊಂದಕ್ಕೆ ಸಹಿ ಹಾಕಿತ್ತು. ಫ್ರೆಂಚ್ ಮತ್ತು ಜಪಾನ್ ಕಂಪನಿಗಳೆರಡು ಬಜಾಜ್ ಸಣ್ಣ ಕಾರಿನ ಬ್ರಾಂಡ್, ಮಾರುಕಟ್ಟೆ, ಮಾರಾಟ ಮತ್ತು ವಿತರಣೆ ಮಾಡಲಿವೆ. ಆದರೆ ಬೈಕ್ ಅಭಿವೃದ್ಧಿಪಡಿಸುವುದು ಮತ್ತು ಉತ್ಪಾದಿಸುವ ಕೆಲಸ ಬಜಾಜ್ ಕಂಪನಿಯದ್ದು ಎಂದು ಅವರು ಹೇಳಿದ್ದಾರೆ.

ನೂತನ ಕಾರನ್ನು ಬಜಾಜ್ ತನ್ನ ಔರಂಗಾಬಾದ್ ಫ್ಯಾಕ್ಟರಿಯಲ್ಲಿ ಉತ್ಪಾದಿಸಲಿದೆ. ಇದೇ ಘಟಕದಲ್ಲಿ ಕಂಪನಿಯು ತನ್ನ ಮೂರು ಚಕ್ರದ ವಾಹನಗಳನ್ನು ಉತ್ಪಾದಿಸುತ್ತಿದೆ. ಭಾರತದ ವಾಹನ ಮಾರುಕಟ್ಟೆಯಲ್ಲಿ ಸಣ್ಣ ಕಾಂಪ್ಯಾಕ್ಟ್ ಕಾರುಗಳ ಪ್ರಾಬಲ್ಯ ಹೆಚ್ಚಾಗುತ್ತಿರುವುದರಿಂದ ಬಜಾಜ್ ಕೂಡ ಈ ಸೆಗ್ಮೆಂಟ್ ಗೆ ಪ್ರವೇಶಿಸಲು ನಿರ್ಧರಿಸಿದೆ. ದೇಶದ ಒಟ್ಟಾರೆ ಕಾರು ಮಾರಾಟದಲ್ಲಿ ಸಣ್ಣ ಕಾರಿನ ಪಾಲು ಶೇಕಡಾ 70ರಷ್ಟಿದೆ.