ಮಹೇಂದ್ರ ಸಿಂಗ್ ಧೋನಿಗೆ ಫೆರಾರಿ 599 ಜಿಟಿಒ...??

ಇವರಲ್ಲಿ ತಂಡದ ನಾಯಕ ಮಹೀಂದ್ರ ಸಿಂಗ್ ಧೋನಿಗೆ ಬಂಪರ್ ಹೊಡೆಯುವ ಸೂಚನೆಗಳಿವೆ. ದೂರದ ಇಟಲಿಯ ಫೆರಾರಿ ಬ್ರಾಂಡ್ ಕಾರೊಂದು ಧೋನಿಗೆ ದೊರಕಲಿದೆಯೆಂಬ ರೂಮರ್ ಸುದ್ದಿಗಳು ನೆಟ್ ಲೋಕದಲ್ಲಿ ಹರಿದಾಡುತ್ತಿದೆ. ಅದರ ಬಾನೆಟ್ ನಲ್ಲಿ ತ್ರಿವರ್ಣ ಧ್ವಜದ ಚಿತ್ರವಿರಲಿದೆಯಂತೆ. ಧೋನಿಗೆ ಕಾರು ನೀಡುವ ಕುರಿತು ಕಂಪನಿ ಇನ್ನೂ ಸ್ಪಷ್ಟಪಡಿಸಿಲ್ಲ.

ಆಸಕ್ತಿದಾಯಕ ವಿಷಯವೆಂದರೆ ಫೆರಾರಿ ತನ್ನ ನೂತನ ಕಾರನ್ನು ಭಾರತದ ಮಾರುಕಟ್ಟೆಗಾಗಿ ವಿಶೇಷವಾಗಿ ರೂಪಿಸಿದೆ. ಅದರಲ್ಲೂ ಈ ಕಾರನ್ನು ಧೋನಿಗಾಗಿ ವಿಶೇಷವಾಗಿ ರೂಪಿಸುತ್ತಿದೆ ಎನ್ನಲಾಗಿದೆ. ಆದರೆ ನೂತನ ಮಾಡೆಲ್ ಇನ್ನೂ ಭಾರತದ ರಸ್ತೆ ಪ್ರವೇಶಿಸಿಲ್ಲ. ಕಂಪನಿ ಈ ಹೊಸ ಕಾರನ್ನೇ ಧೋನಿಗೆ ಉಡುಗೊರೆಯಾಗಿ ನೀಡುವ ನಿರೀಕ್ಷೆಗಳಿವೆ. ಅಂದಹಾಗೇ ಆ ಕಾರಿನ ಹೆಸರು ಫೆರಾರಿ 599 ಜಿಟಿಒ.

ಫೆರಾರಿ 599 ಜಿಟಿಒ ಸ್ಪೋರ್ಟ್ಸ್ ವೆಹಿಕಲ್ ವಿ18 ಎಂಜಿನ್ ಹೊಂದಿದೆ. ಇದು ಅತ್ಯಂತ ವೇಗದ ಕಾರಾಗಿದೆ. ಈ ಸೂಪರ್ ಕಾರು ಪ್ರತಿಗಂಟೆಗೆ ಗರಿಷ್ಠ 335 ಕಿ.ಮೀ. ವೇಗದಲ್ಲಿ ಸಾಗುತ್ತದೆ. ಈ ಕಾರನ್ನು ಭಾರತದ ರಸ್ತೆಗೆ ತಕ್ಕಂತೆ ವಿಶೇಷವಾಗಿ ರೂಪಿಸಲಾಗಿದೆ. ಫೆರಾರಿ 599 ಕಾರುಗಳಿಗೆ ಹೋಲಿಸಿದರೆ ನೂತನ ಫೆರಾರಿ 599 ಜಿಟಿಒ ಕಾರು 100 ಕೆ.ಜಿ. ಕಡಿಮೆ ಭಾರವಿದೆ. ಇದರೊಂದಿಗೆ ಈಗಾಗಲೇ ಆಡಿ ಇಂಡಿಯಾ ಯುವರಾಜ್ ಸಿಂಗ್ ಗೆ ಕಾರೊಂದನ್ನು ನೀಡುವುದಾಗಿ ಪ್ರಕಟಿಸಿದೆ. 2003ರಲ್ಲಿ ಸಚಿನ್ ತೆಂಡೂಲ್ಕರ್ ಕೂಡ ಫಿಯೆಟ್ ನಿಂದ ಫೆರಾರಿ ಕಾರೊಂದನ್ನು ಉಡುಗೊರೆಯಾಗಿ ಪಡೆದಿದ್ದರು.