ಬೆಂಝ್ ನಿಂದ ಒಂದು ಲಕ್ಷಕ್ಕಿಂತ ಹೆಚ್ಚು ಕಾರುಗಳ ರಿಕಾಲ್

Published: Wednesday, April 6, 2011, 16:35 [IST]

ಐಷಾರಾಮಿ ಕಾರು ತಯಾರಿಕಾ ಕಂಪನಿ ಮರ್ಸಿಡಿಸ್ ಬೆಂಝ್, ಸ್ಪೀಡ್ ಕಂಟ್ರೊಲ್ ಸಂಬಂಧಿತ ಸಮಸ್ಯೆಯ ಹಿನ್ನಲೆಯಲ್ಲಿ ಅಮೆರಿಕದಲ್ಲಿ ಸುಮಾರು 1,36,000 ಕಾರುಗಳನ್ನು ಗ್ರಾಹಕರಿಂದ ವಾಪಸ್ಸು ಪಡೆಯಲು ನಿರ್ಧರಿಸಿದೆ. ಬ್ರೇಕ್ ಪೆಡಲ್ ಹಾಕಿದ ತಕ್ಷಣ ಕ್ರೂಷ್ ಕಂಟ್ರೊಲ್ ಸಮರ್ಥವಾಗಿ ಕಾರ್ಯ ನಿರ್ವಹಿಸುವುದಿಲ್ಲ ಎಂಬ ದೂರುಗಳ ಹಿನ್ನಲೆಯಲ್ಲಿ ಈ ಕ್ರಮಕೈಗೊಳ್ಳಲಾಗಿದೆ ಎಂದು ಅಲ್ಲಿನ ರಾಷ್ಟ್ರೀಯ ಹೆದ್ದಾರಿ ಸಂಚಾರ ಸುರಕ್ಷತೆ ಆಡಳಿತ ತಿಳಿಸಿದೆ.

ವಾಹನಗಳ ವೇಗವನ್ನು ಅಟೋಮ್ಯಾಟಿಕ್ ಆಗಿ ಕಂಟ್ರೊಲ್ ಮಾಡುವ ವ್ಯವಸ್ಥೆಗೆ ಕ್ರೂಷ್ ಕಂಟ್ರೊಲ್ ಎನ್ನಲಾಗುತ್ತಿದೆ. ಇದನ್ನು ಸ್ಪೀಡ್ ಕಂಟ್ರೊಲ್ ಅಥವಾ ಆಟೋ ಕ್ರೂಷ್ ಎಂದು ಕೂಡ ಕರೆಯಲಾಗುತ್ತದೆ. ಇದು ಚಾಲಕನಿಗೆ ಸೂಕ್ತ ವೇಗದಲ್ಲಿ ಕಾರನ್ನು ಚಾಲನೆ ಮಾಡಲು ನೆರವಾಗುತ್ತದೆ. 2000-2002ರ ಮರ್ಸಿಡಿಸ್ ಬೆಂಝ್ ಎಂ-ಕ್ಲಾಸ್ ಮತ್ತು 200-2004ರಲ್ಲಿ ಕಂಪನಿ ಹೊರತಂದ ಎಂ-ಕ್ಲಾಸ್ ಎಎಂಜಿ ಕಾರುಗಳನ್ನು ಕಂಪನಿ ಹಿಂಪಡೆಯಲಿದೆ.

Article Published On: Wednesday, April 6, 2011, 16:34 [IST]

English summary

Premium car maker Mercedes-Benz to recall over 136,000 M-class SUVs in the US over problems related to speed control, officials said. Complaints have been received that the cruise control does not immediately disengage when drivers tap the brake pedal, the National Highway Traffic Safety Administration said.

More from DriveSpark