ಹೊಸ ವಿನ್ಯಾಸದಲ್ಲಿ ನಾಜಿ ಕಾಲದ ಬೀಟಲ್ ಪ್ರತ್ಯಕ್ಷ

1998ರಲ್ಲಿ ಬೀಟಲ್ ಕಾರನ್ನು ಮರು ವಿನ್ಯಾಸ ಮಾಡಲಾಗಿತ್ತು. ಅದು ಈಗಲೂ ಉತ್ಪಾದನೆಯಾಗುತ್ತಿದೆ. ಈಗ ಮತ್ತೆ ಫೋಕ್ಸ್ ವ್ಯಾಗನ್ ಎಜಿ ಕಂಪನಿಯು ಬೀಟಲ್ ನ್ನು ಮತ್ತಷ್ಟು ಆಕರ್ಷಕವಾಗಿಸಿದೆ. ನೂತನ ಬೀಟಲ್ ಕಾರನ್ನು ಶಾಂಘೈ, ಬರ್ಲಿನ್ ಮತ್ತು ನ್ಯೂಯಾರ್ಕ್ ನಲ್ಲಿ ನಡೆದ ವಾಹನ ಪ್ರದರ್ಶನದಲ್ಲಿ ಅನಾವರಣ ಮಾಡಿದೆ. ಇದು 2012ರ ಆರಂಭದಲ್ಲಿ ಭಾರತ ಸೇರಿದಂತೆ ಯುರೋಪ್ ಮಾರುಕಟ್ಟೆಗೆ ಪ್ರವೇಶಿಸಲಿದೆ.

ನೂತನ ಬೀಟಲ್ 2.5 ಲೀಟರ್ ನ 5 ಸಿಲಿಂಡರ್ ಎಂಜಿನ್ ಹೊಂದಿದ್ದು, ಸುಮಾರು 170 ಹಾರ್ಸ್ ಪವರ್ ನೀಡುತ್ತದೆ. ಹಳೆಯ ಬೀಟಲ್ ಕಾರುಗಳಿಗೆ ಹೋಲಿಸಿದರೆ ಇದರ ಉದ್ದ 6 ಇಂಚು ಹೆಚ್ಚಾಗಿದೆ ಮತ್ತು ಮೂರನೇ ತಲೆಮಾರಿಗೆ ಪೂರಕವಾಗಿ ಮರು ವಿನ್ಯಾಸಗೊಂಡಿದೆ. ಜನಸಾಮಾನ್ಯರ ಕಾರೆಂಬ ಖ್ಯಾತಿಯ ಪುಟ್ಟ ಕಾರಿನ ಹೊಸ ಆವೃತ್ತಿಯ ದರವನ್ನು ಕಂಪನಿ ತಿಳಿಸಿಲ್ಲ.