ಡೀಸಲ್ ಕಾರಿಗೆ ಜೈಹೋ, ಡೆಲಿವರಿ ಟ್ರಾಫಿಕ್ ಜಾಮ್!

ಗ್ರಾಹಕರು ಮನಸ್ಸು ಬದಲಾಯಿಸಿದ್ದಾರೆ. ಡೀಸಲ್ ಕಾರುಗಳನ್ನು ಖರೀದಿಸಲು ಹೆಚ್ಚು ಒಲವು ತೋರುತ್ತಿದ್ದಾರೆ. "ಕಳೆದ ಒಂದು ತಿಂಗಳಲ್ಲಿ ಡೀಸಲ್ ಕಾರು ಬೇಡಿಕೆ ದ್ವಿಗುಣಗೊಂಡಿದೆ" ಎಂದು ಮಾರುತಿ ಮಾರುಕಟ್ಟಿ ವಿಭಾಗದ ಮುಖ್ಯಸ್ಥರು ಹೇಳುತ್ತಾರೆ.

ಗ್ರಾಹಕರ ಬದಲಾದ ಈ ಮನೋಭಾವನೆಯಿಂದ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಡೀಸಲ್ ಇಂಜಿನ್ ಅಳವಡಿಸಿ ಪೂರೈಸುವುದು ಕಂಪನಿಗಳಿಗೆ ಕಷ್ಟವಾಗುತ್ತಿದೆ. ಪರಿಣಾಮವಾಗಿ ಡೆಲಿವರಿ ತಡವಾಗುತ್ತಿದೆ. ಉದಾಹರಣೆಗೆ ಸ್ವಿಫ್ಟ್ ಡೆಲಿವರಿಗೆ ಈಗ 5 ತಿಂಗಳು ಮತ್ತು ಡಿಜೈರ್ ಡೆಲಿವರಿಗೆ 6 ತಿಂಗಳು ಬೇಕಿದೆ.

"ಎರಡು ವರ್ಷದ ಹಿಂದೆ ಡೀಸಲ್ ಸೆಗ್ಮೆಂಟ್ ಗೆ ಪ್ರವೇಶಿಸಲು ವಾಹನ ಕಂಪನಿಗಳು ಭಯಪಡುತ್ತಿದ್ದವು. ಇದೀಗ ಪೆಟ್ರೊಲ್ ಗಿಂತ ಡೀಸಲ್ ಸುಮಾರು ಶೇ. 40ರಷ್ಟು ಅಗ್ಗವಾಗಿರುವುದರಿಂದ ಹೆಚ್ಚು ಜನರು ಡೀಸಲ್ ವಾಹನ ಖರೀದಿಸುತ್ತಿದ್ದಾರೆ" ಎಂದು ವಾಹನ ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ.