ದುಬಾರಿ ಕಾರುಗಳ ತೆರಿಗೆ ವಂಚಿಸಲು ಟ್ಯಾಕ್ಸಿ ಟ್ರಿಕ್

ಸದ್ಯದ ಆರ್ ಟಿಒ ನಿಯಮದ ಪ್ರಕಾರ 20 ಲಕ್ಷ ರು.ಗಿಂತ ಕಡಿಮೆ ದರದ ಕಾರುಗಳಿಗೆ ಶೇ. 17ರಷ್ಟು ಅಜೀವ ತೆರಿಗೆ(ಶೇ. 11 ಸೆಸ್) ವಿಧಿಸಲಾಗಿದೆ. 20 ಲಕ್ಷ ರು.ಗಿಂತ ಹೆಚ್ಚು ದರದ ಕಾರುಗಳಿಗೆ ಶೇ. 18ರಷ್ಟು ಲೈಫ್ ಟೈಂ ತೆರಿಗೆ ವಿಧಿಸಲಾಗಿದೆ. ಎಲ್ಲಾದರೂ 50 ಲಕ್ಷ ರು.ಗಿಂತ ದುಬಾರಿ ಕಾರುಗಳಿಗೆ ಸುಮಾರು 10 ಲಕ್ಷ ರು.ವಿನಷ್ಟು ಲೈಫ್ ಟೈಂ ತೆರಿಗೆ ಪಾವತಿಸಬೇಕಿದೆ. ಎಲ್ಲಾದರೂ ಇವರು ಇದನ್ನು ಟ್ಯಾಕ್ಸಿಯಾಗಿ ರಿಜಿಸ್ಟರ್ ಮಾಡಿಕೊಂಡರೆ ವರ್ಷಕ್ಕೆ ಸುಮಾರು 2,500 ರು. ತೆರಿಗೆ ಪಾವತಿಸಿದರೆ ಸಾಕು.

ಬಿಎಂಡಬ್ಲ್ಯು, ಮರ್ಸಿಡಿಸ್ ಬೆಂಝ್ ಮತ್ತು ಪೊರ್ಷ್ ಕಾರುಗಳನ್ನು ಕೆಲವರು ಟ್ಯಾಕ್ಸಿಯಾಗಿ ರಿಜಿಸ್ಟರ್ ಮಾಡಿಕೊಂಡಿದ್ದಾರೆ. ಈ ಮೂಲಕ ಸರಕಾರಕ್ಕೆ ಹಲವು ಲಕ್ಷ ರು. ತೆರಿಗೆ ವಂಚಿಸುತ್ತಿದ್ದಾರೆ. ಬೆಂಗಳೂರು ಮಿರರ್ ಇಂತಹ ಇತ್ತೀಚಿನ ಒಂದು ಪ್ರಕರಣವನ್ನು ಪ್ರಕಟಿಸಿದ್ದಾಎಡ. ಮಂಗಳೂರಿನ ವ್ಯಕ್ತಿಯೊಬ್ಬರು ಖರೀದಿಸಿದ 65 ಲಕ್ಷ ರು.ವಿನ ಕಾರನ್ನು ಟ್ಯಾಕ್ಸಿಯೆಂದು ರಿಜಿಸ್ಟರ್ ಮಾಡಿಕೊಂಡಿದ್ದಾರೆ ಎಂದು ವರದಿ ಹೇಳಿದೆ.