ವಾಹನೋದ್ಯಮ ಶೇ. 11-13 ಪ್ರಗತಿ: ಸ್ಯಾಮ್ ಮುನ್ನೋಟ

ಈ ವರ್ಷ ದೇಶದ ಒಟ್ಟಾರೆ ವಾಹನ ಮಾರುಕಟ್ಟೆ ಶೇ. 11ರಿಂದ 12ರಷ್ಟು ಪ್ರಗತಿ ಕಾಣಲಿದೆ. ಇದರಲ್ಲಿ ಪ್ರಯಾಣಿಕ ಕಾರು ಮಾರಾಟ ಶೇ. 10ರಿಂದ 12ರಷ್ಟಿರಲಿದೆ ಎಂದು ಸ್ಯಾಮ್ ಅಧ್ಯಕ್ಷ ಪವನ್ ಗೋಯೆಂಕಾ ಹೇಳಿದ್ದಾರೆ. ಆದರೆ ಇದಕ್ಕೂ ಮುನ್ನ ಪ್ರಯಾಣಿಕ ಕಾರು ಮಾರಾಟ ಸುಮಾರು ಶೇ. 18ರಷ್ಟು ಪ್ರಗತಿ ಕಾಣುವುದಾಗಿ ಸ್ಯಾಮ್ ಮುನ್ನೋಟ ನೀಡಿತ್ತು.

ಇಂಧನ ದರ ಮತ್ತು ಬ್ಯಾಂಕ್ ಸಾಲಗಳು ದುಬಾರಿಯಾಗಿರುವುದು ಕಾರು ಮಾರಾಟ ಇಳಿಕೆಗೆ ಪ್ರಮುಖ ಕಾರಣವಾಗಿದೆ. ಕಳೆದ ವರ್ಷದ ಜೂನ್ ತಿಂಗಳ ಕಾರು ಮಾರಾಟಕ್ಕೆ ಹೋಲಿಸಿದರೆ ಪ್ರಸಕ್ತ ಜೂನಿನಲ್ಲಿ ಕಾರು ಮಾರಾಟ ಶೇ 1.6ರಷ್ಟು ಏರಿಕೆ ಕಂಡಿದೆ. ಕಚ್ಚಾ ವಸ್ತುಗಳ ದರ ಏರಿಕೆ ವಾಹನಗಳನ್ನು ದುಬಾರಿಯಾಗಿಸಿದ್ದು ಮಾರಾಟ ಇಳಿಕೆಗೆ ಕಾರಣವಾಗಿದೆ.