Click it and Unblock the Notifications
ಒಂದು ಲಕ್ಷ ತಲುಪಿದ ಫೋಕ್ಸ್ ವ್ಯಾಗನ್ ಕಾರು ಉತ್ಪಾದನೆ
ಜರ್ಮನಿಯ ಕಾರು ತಯಾರಿಕಾ ಕಂಪನಿ ಫೋಕ್ಸ್ ವ್ಯಾಗನ್ ಮಹಾರಾಷ್ಟ್ರದ ಚಕನ್ ಘಟಕದಲ್ಲಿ ಯಶಸ್ವಿಯಾಗಿ ಕಾರು ಉತ್ಪಾದಿಸುತ್ತಿದೆ. ಇಲ್ಲಿ ಕಂಪನಿಯ ಎಲ್ಲಾ ಬಗೆಯ ಕಾರುಗಳನ್ನು ಉತ್ಪಾದಿಸಲಾಗುತ್ತದೆ. ಕಳೆದ ಎರಡು ವರ್ಷದಿಂದ ಕಂಪನಿಯ ಕಾರು ಉತ್ಪಾದನೆ ಒಂದು ಲಕ್ಷ ಸಂಖ್ಯೆಗೆ ತಲುಪಿದೆ.
ಫೋಕ್ಸ್ ವ್ಯಾಗನ್ ಇಂಡಿಯಾದ ಒಂದು ಲಕ್ಷದ ಕಾರು ವೆಂಟೊ. ಇದು ಕಂಪನಿಯ ಅತ್ಯಧಿಕ ಮಾರಾಟದ ಸೆಡಾನ್ ಕಾರು ಕೂಡ ಹೌದು. ಮೇ 2009ರಲ್ಲಿ ಕಂಪನಿಯು ಸ್ಕೋಡಾ ಫಾಬಿಯಾದೊಂದಿಗೆ ಉತ್ಪಾದನೆ ಆರಂಭಿಸಿತ್ತು. ಈಗ ಫಾಬಿಯಾದೊಂದಿಗೆ ಫೋಕ್ಸ್ ವ್ಯಾಗನ್ ಪೊಲೊ ಕಾರು ಕೂಡ ಉತ್ಪಾದನೆಗೆ ಸಾಥ್ ನೀಡುತ್ತಿದೆ.
ಚಕನ್ ಘಟಕವು ವಾರ್ಷಿಕವಾಗಿ 1.3 ಲಕ್ಷ ಕಾರು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದಕ್ಕಾಗಿ ಕಂಪನಿಯು ಸುಮಾರು 3,800 ಕೋಟಿ ರು. ಹೂಡಿಕೆ ಮಾಡಿದೆ. ಇದು ಜರ್ಮನಿಯ ವಾಹನ ಕಂಪನಿಯೊಂದು ಭಾರತದಲ್ಲಿ ಮಾಡಿದ ಅತ್ಯಧಿಕ ಪ್ರಮಾಣದ ಹೂಡಿಕೆಯೂ ಹೌದು.
Continue with Google