ಶೇ. 5.99 ಬಡ್ಡಿಗೆ ಹ್ಯುಂಡೈ ಕಾರು ಖರೀದಿಸಬಹುದು!

Published: Wednesday, July 13, 2011, 15:28 [IST]

ಕಳೆದ ಕೆಲವು ತಿಂಗಳಿನಿಂದ ಮಾರಾಟ ಹೆಚ್ಚಿಸಲು ವಾಹನ ಕಂಪನಿಗಳು ಪರದಾಡುತ್ತಿವೆ. ಹಲವು ಆಫರ್ ಗಳನ್ನು ನೀಡುವ ಮೂಲಕ ಗ್ರಾಹಕರನ್ನು ಸೆಳೆಯಲು ಯತ್ನಿಸುತ್ತಿವೆ. ಇದೀಗ ಹ್ಯುಂಡೈ ಮೋಟರ್ ಇಂಡಿಯಾ ಲಿಮಿಟೆಡ್ ಕೂಡ ತಮ್ಮ ಮಾರಾಟ ಮಳಿಗೆಗಳಲ್ಲಿ ಹಲವು ಸ್ಮಾರ್ಟ್ ಸ್ಕೀಮ್ ಮತ್ತು ವಿನಾಯಿತಿ ಆಫರ್ ಗಳನ್ನು ನೀಡಲು ಆರಂಭಿಸಿದೆ.

ಸ್ಯಾಂಟ್ರೊ ಕ್ಸಿಂಗ್ ಮತ್ತು ಐ10 ಮಾದರಿಯ ಕಾರುಗಳನ್ನು ಕೇವಲ ಶೇ. 5.99 ಬಡ್ಡಿದರದಲ್ಲಿ ನೀಡುವುದಾಗಿ ಹ್ಯುಂಡೈ ಹೇಳಿದೆ. ಇವೆರಡು ಕಾರುಗಳು ಕಂಪನಿಯ ಅತ್ಯಧಿಕ ಮಾರಾಟದ ಕಾರುಗಳಾಗಿವೆ. ಕಂಪನಿಯ ಈ ಆಫರ್ ನಿಂದ ಕಡಿಮೆ ಬಡ್ಡಿದರದಲ್ಲಿ ಗ್ರಾಹಕರು ಕಾರುಗಳನ್ನು ಖರೀದಿಸಬಹುದು.

ಇದರೊಂದಿಗೆ ಕಂಪನಿ ಈ ಹಿಂದೆಯೇ ಹಲವು ಆಫರ್ ಗಳನ್ನು ನೀಡಿದೆ. ಒಂದು ವರ್ಷ ವ್ಯಾರೆಂಟಿ ಹೆಚ್ಚಳ, ಒಂದು ವರ್ಷ ಉಚಿತ ವಿಮೆ, ಒಂದು ವರ್ಷದಲ್ಲಿ ಪೆಟ್ರೊಲ್ ದರ ಹೆಚ್ಚಳಕ್ಕೆ ರಕ್ಷಣೆ ಸೇರಿದಂತೆ ಹಲವು ಸ್ಕೀಮ್ ಗಳನ್ನು ಗ್ರಾಹಕರು ಪಡೆಯಬಹುದೆಂದು ಹ್ಯುಂಡೈ ಹೇಳಿದೆ. ನೂತನ ಬಡ್ಡಿದರ ಇಳಿಕೆ ನೂತನ ವೆರ್ನಾ ಕಾರಿಗೆ ಅನ್ವಯವಾಗುವುದಿಲ್ಲವಂತೆ!