ಮಾರುತಿ ಸುಜುಕಿ ನೌಕರರ ಚುನಾವಣೆ ಇಂದು

ಜೂನ್ ತಿಂಗಳಲ್ಲಿ ಇದೇ ಘಟಕದ ನೌಕರರು 13 ದಿನಗಳ ಕಾಲು ಮುಷ್ಕರ ನಡೆಸಿದ್ದರು. ಇದು ಮಾರುತಿಯ ಶೇ. 20ರಷ್ಟು ಉತ್ಪಾದನೆಗೆ ಹೊಡೆತ ನೀಡಿತ್ತು. ಇದರಿಂದಾಗಿ ಕಂಪನಿಗೆ ಸುಮಾರು 630 ಕೋಟಿ ರು. ಆದಾಯ ನಷ್ಟವಾಗಿತ್ತು.

ಕಾರ್ಮಿಕರ ಕೆಲವು ಬೇಡಿಕೆಗಳಿಗೆ ಮಾರುತಿ ಆಡಳಿತ ಅಸ್ತು ಎಂದಿದ್ದರಿಂದ ನೌಕರರು ಮುಷ್ಕರ ನಿಲ್ಲಿಸಿದ್ದರು. ಆದರೆ ಮುಷ್ಕರದ ಪ್ರಮುಖ ಬೇಡಿಕೆಯಾದ ನೂತನ ಕಾರ್ಮಿಕ ಸಂಘಟನೆಗೆ ಅನುಮೋದನೆ ನೀಡುವುದನ್ನು ಕಂಪನಿ ಇನ್ನೂ ಈಡೇರಿಸಿಲ್ಲ.

ಕಂಪನಿಯು ನೂತನ ಸಂಘಟನೆಗೆ ಅನುಮೋದನೆ ನೀಡದೆ ಇರುವುದರಿಂದ ನಾವು ಮತದಾನದಲ್ಲಿ ಪಾಲ್ಗೊಳ್ಳುವುದಿಲ್ಲವೆಂದು ಮಾರುತಿ ಸುಜುಕಿ ನೌಕರರ ಒಕ್ಕೂಟದ ಅಧ್ಯಕ್ಷ ಸೊನು ಗುಜ್ಜಾರ್ ಹೇಳಿದ್ದಾರೆ.