ಮಾರುತಿ 3 ಸಾವಿರ ಕೋಟಿ ರು. ಹೂಡಿಕೆ ಏತಕ್ಕೆ?

ಈಗಾಗಲೇ ಕಂಪನಿಯು ಮಾನೆಸರ್ ಘಟಕಕ್ಕೆ 4 ಸಾವಿರ ಕೋಟಿ ರು. ಹೂಡಿಕೆ ಮಾಡಿಯಾಗಿದೆ. ಮಾನೆಸರ್ ಘಟಕದಲ್ಲಿ ನೂತನ ಅಸೆಂಬ್ಲಿ ಘಟಕ ನಿರ್ಮಿಸಲು, ಮಾರುಕಟ್ಟೆ ವಿಸ್ತರಣೆಗೆ, ನೂತನ ಕಾರುಗಳನ್ನು ಹೊರತರಲು, ಸಂಶೋಧನೆ ಮತ್ತು ಅಭಿವೃದ್ಧಿ ಉದ್ದೇಶಕ್ಕಾಗಿ ಹೂಡಿಕೆ ಮಾಡಿತ್ತು.

"ಮುಂದಿನ ಆರ್ಥಿಕ ವರ್ಷದಲ್ಲಿ ಸುಮಾರು 3 ಸಾವಿರ ಕೋಟಿ ರು. ಹೂಡಿಕೆ ಮಾಡಲಿದ್ದೇವೆ" ಎಂದು ಕಂಪನಿಯ ಮುಖ್ಯ ಹಣಕಾಸು ಅಧಿಕಾರಿ ಅಜಯ್ ಸೇಠ್ ಹೇಳಿದ್ದಾರೆ. ಮಾರುತಿ ಸುಜುಕಿ ಈಗ ಗುರ್ ಗಾಂವ್ ಮತ್ತು ಮಾನೆಸರಿನಲ್ಲಿ ಘಟಕವನ್ನು ಹೊಂದಿದೆ. ಗುಜರಾತಿನಲ್ಲಿ ನೂತನ ಘಟಕವನ್ನು ನಿರ್ಮಿಸುವ ಯೋಜನೆಯೂ ಕಂಪನಿಗಿದೆ.