ಆಗಸ್ಟ್ ನಲ್ಲಿ ದೇಶದ ರಸ್ತೆಗೆ ಬಿಎಂಡಬ್ಲ್ಯು ಎಕ್ಸ್3

ಬಿಎಂಡಬ್ಲ್ಯು ಬ್ರಾಂಡ್ ನ ನೂತನ ಎಸ್ ಯುವಿ ಹಳೆಯ ಆವೃತ್ತಿಗಿಂತ ವಿಭಿನ್ನವಾಗಿರಲಿದೆ. ವಿನ್ಯಾಸ ಮತ್ತು ಗಾತ್ರದಲ್ಲಿ ಮಹತ್ವದ ಬದಲಾವಣೆ ಇರಲಿದೆ ಎಂದು ಮೂಲಗಳು ಹೇಳಿವೆ. ಬಿಎಂಡಬ್ಲ್ಯುನ ಎಕ್ಸ್5 ಕಾರಿನಂತಿರಲಿದೆ ಎನ್ನಲಾಗಿದೆ. ಈ ಕಾರು ಮರ್ಸಿಡಿಸ್ ಬೆಂಝ್ ಜಿಎಲ್ಕೆ ಕಾರಿಗೂ ಪೈಪೋಟಿ ನೀಡಲಿದೆ. ಜಿಎಲ್ಕೆ ಕಾರು ರಸ್ತೆಗಿಳಿಯಬೇಕಷ್ಟೇ! ಆಡಿ ಕ್ಯೂ5ಗೂ ಈ ಕಾರು ಎದುರಾಳಿಯಂತೆ!

ಬಿಎಂಡಬ್ಲ್ಯು ಇಂಡಿಯಾ ಹೊರತರಲಿರುವ ನೂತನ ಎಕ್ಸ್3 ಪೆಟ್ರೊಲ್ ಮತ್ತು ಡೀಸಲ್ ಆವೃತ್ತಿಗಳಲ್ಲಿ ದೊರಕಲಿದೆ. ಇವೆರಡು ಆವೃತ್ತಿಗಳ ದರ ಕ್ರಮವಾಗಿ 41.2 ಲಕ್ಷ ರು. ಮತ್ತು 42.2 ಲಕ್ಷ ರು. ಆಗಿದೆ.

ಪೆಟ್ರೊಲ್ ಎಂಜಿನ್ ಆವೃತ್ತಿ ಎಂಜಿನ್ ಹೆಸರು xDrive25i ಎಂದಾಗಿದ್ದು 2.5 ಲೀಟರ್, 64 ಪಾಟ್ ಪೆಟ್ರೊಲ್ ಎಂಜಿನ್ ಇದರಲ್ಲಿ ಪ್ರತಿಗಂಟೆಗೆ 210 ಕಿ.ಮೀ. ವೇಗದಲ್ಲಿ ಸಾಗಬಹುದಾಗಿದೆ. xDrive20d ಎಂಬ ಡೀಸಲ್ ಎಂಜಿನ್ ಕೂಡ 2 ಲೀಟರ್, 4 ಪಾಟ್ ಟರ್ಬೊ ಡೀಸಲ್ ಎಂಜಿನ್ ಹೊಂದಿದೆ. ಡೀಸಲ್ ಆವೃತ್ತಿಯಲ್ಲಿ ಪ್ರತಿಗಂಟೆಗೆ ಗರಿಷ್ಠ 200 ಕಿ.ಮೀ. ವೇಗದಲ್ಲಿ ಹೋಗಬಹುದಂತೆ.