ಮಾರುತಿ ಸುಜುಕಿ ಕಾರುಗಳಿಗೆ ಭಾರಿ ಡಿಸ್ಕೌಂಟ್

Published: Saturday, July 30, 2011, 16:54 [IST]

ದೇಶದ ಬೃಹತ್ ಕಾರು ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಮಾರಾಟ ಹೆಚ್ಚಿಸಿಕೊಳ್ಳಲು ಹೊಸ ತಂತ್ರ ಆರಂಭಿಸಿದೆ. ಕಂಪನಿಯ ವಿವಿಧ ಮಾಡೆಲ್ ಕಾರುಗಳಿಗೆ ಭಾರಿ ಪ್ರಮಾಣದ ಡಿಸ್ಕೌಂಟ್ ಆಫರ್ ನೀಡುವುದಾಗಿ ಹೇಳಿದೆ. ಪೆಟ್ರೊಲ್ ದರ ಹೆಚ್ಚಳ, ಆರ್ ಬಿಐನಿಂದ ರೆಪೊ ದರ ಹೆಚ್ಚಳದಿಂದ ಮಾರಾಟ ಇಳಿಕೆ ಕಂಡಿರುವುದರಿಂದ ಗ್ರಾಹಕರಿಗೆ ಬಂಪರ್ ವಿನಾಯಿತಿ ಆಮೀಷವೊಡ್ಡಿದೆ.

"ಪೆಟ್ರೊಲ್ ದರ, ಆರ್ ಬಿಐ ಬಡ್ಡಿದರ ಹೆಚ್ಚಳ ಗ್ರಾಹಕರ ಖರೀದಿ ಭಾವನೆ ಮೇಲೆ ಪರಿಣಾಮ ಬೀರಿದೆ. ಆದರೆ ಸದ್ಯ ಹಬ್ಬದ ಸೀಸನ್ ಹತ್ತಿರದಲ್ಲಿರುವುದರಿಂದ ಗ್ರಾಹಕರಿಂದ ಮತ್ತೆ ಬೇಡಿಕೆ ಹೆಚ್ಚಾಗುವ ನಿರೀಕ್ಷೆಯಿದೆ. ಇದಕ್ಕಾಗಿ ಗ್ರಾಹಕರಿಗೆ ಹೆಚ್ಚಿನ ಆಫರ್ ನೀಡಲಿದ್ದೇವೆ" ಎಂದು ಕಂಪನಿಯ ಹಣಕಾಸು ಅಧಿಕಾರಿ ಅಜಯ್ ಸೇಠ್ ಹೇಳಿದ್ದಾರೆ. ಆದರೆ ಎಷ್ಟು ಪ್ರಮಾಣದ ವಿನಾಯಿತಿ ನೀಡುವುದೆಂದು ಕಂಪನಿ ಸ್ಪಷ್ಟಗೊಳಿಸಿಲ್ಲ.