ಟಾಟಾ ಮೋಟಾರ್ಸ್ ನಿಂದ ಹೊಸ ಮಾಂಝಾ

ನ್ಯೂ ಮಾಂಝಾ ದರ ಆಕರ್ಷಕವಾಗಿದ್ದು, ಸಫೈರ್ ಪೆಟ್ರೋಲ್ ಎಂಜಿನ್ ಮಾದರಿಗೆ ಸುಮಾರು 5.14 ಲಕ್ಷ ರೂ. ಮತ್ತು ಕ್ಯೂಡ್ರಜೆಟ್ ಡೀಸಲ್ ಮಾದರಿಗೆ ಸುಮಾರು 5.91 ಲಕ್ಷ ರೂಪಾಯಿ ಆಗಿದೆ. ಮುಂದಿನ ಸೋಮವಾರದಿಂದ ದೇಶದಲ್ಲಿರುವ ಕಂಪನಿಯ ಎಲ್ಲ ಡೀಲರ್ಸ್ ಬಳಿ ನೂತನ ಕಾರ್ ದೊರಕಲಿದೆ ಎಂದು ಕಂಪನಿ ಹೇಳಿದೆ.

ದೇಶದ ಬೃಹತ್ ವಾಹನ ತಯಾರಿಕಾ ಕಂಪನಿ ಟಾಟಾ ಮೋಟಾರ್ಸ್ 2009-10ರಲ್ಲಿ ಸುಮಾರು 92,519 ಕೋಟಿ ರೂ. ಆದಾಯ ಗಳಿಸಿದೆ. ದೇಶದ ರಸ್ತೆಯಲ್ಲಿ ಟಾಟಾ ಮೋಟಾರ್ಸ್ ನ ಸುಮಾರು 59 ಲಕ್ಷ ವಾಹನಗಳಿವೆ ವಾಣಿಜ್ಯ ವಾಹನ ಮಾರುಕಟ್ಟೆಯಲ್ಲಿ ಟಾಟಾ ಮಾರುಕಟ್ಟೆಯಲ್ಲಿ ನಾಯಕನಾಗಿದ್ದು, ಕಡಿಮೆ ದರದ ನ್ಯಾನೊ ಸೇರಿದಂತೆ ಪ್ರಯಾಣಿಕ ವಾಹನ ಮಾರುಕಟ್ಟೆಯಲ್ಲಿ ಮೂರನೇ ಸ್ಥಾನ ಪಡೆದಿದೆ.

ನೂತನ ಮಾಂಝಾ ಬಗ್ಗೆ ಇನ್ನಷ್ಟು
* ಪೆಟ್ರೋಲ್ ಮತ್ತು ಡೀಸಲ್ ಎಂಜಿನ್ ಮಾದರಿಯಲ್ಲಿ ದೊರಕುತ್ತದೆ
* ಪೆಟ್ರೊಲ್ ಎಂಜಿನ್ ಕಾರ್ ಹೆಸರು ಸಫೈರ್, ಡೀಸಲ್ ಎಂಜಿನ್ ಹೆಸರು ಕ್ಯೂಡ್ರಜೆಟ್
* 5+1 ಗೇರ್ ಬಾಕ್ಸ್
* 1,368 ಸಿಸಿ ಪೆಟ್ರೊಲ್ ಎಂಜಿನ್ (ಮಲ್ಟಿ ಪಾಯಿಂಟ್ ಫ್ಯೂಯಲ್ ಇಂಜೆಕ್ಷನ್)
* 1,248 ಸಿಸಿ ಡೀಸಲ್ ಎಂಜಿನ್ (ಕಾಮನ್ ರೈಲ್ ಡೈರೆಕ್ಟ್ ಇಂಜೆಕ್ಷನ್)
* ಪೆಟ್ರೋಲ್ ಆವೃತ್ತಿ ಮೈಲೇಜ್: ನಗರದಲ್ಲಿ ಪ್ರತಿಲೀಟರ್ ಗೆ 12.2 ಕಿ.ಮೀ. ಹೆದ್ದಾರಿಗಳಲ್ಲಿ 15.1 ಕಿ.ಮೀ.
* ಡೀಸಲ್ ಆವೃತ್ತಿ ಮೈಲೇಜ್: ನಗರದಲ್ಲಿ ಪ್ರತಿಲೀಟರ್ ಗೆ 13.8 ಕಿ.ಮೀ. ಹೆದ್ದಾರಿಗಳಲ್ಲಿ ಪ್ರತಿಲೀಟರ್ ಗೆ 18.2 ಕಿ.ಮೀ.