ದೇಶಕ್ಕೆ ಬಂತು ಪೊಲಾರಿಷ್ ಆಫ್ ರೋಡ್ ವಾಹನ

ಅಮೆರಿಕ ಮೂಲದ ಪೊಲಾರಿಷ್ ಕಂಪನಿಯ ಆಫ್-ರೋಡ್ ವಾಹನಗಳನ್ನು ಪರಿಚಯಿಸಿವೆ. ಇಲ್ಲಿ ಸುಮಾರು 2.4 ಲಕ್ಷ ರು.ನಿಂದ 20 ಲಕ್ಷ ರುಪಾಯಿವರೆಗಿನ ಪೊಲಾರಿಷ್ ಆಫ್-ರೋಡ್ ವಾಹನಗಳು ದೊರಕಲಿವೆ.

ಕಂಪನಿಯು ಮುಂದಿನ 5 ವರ್ಷಗಳೊಳಗೆ ಭಾರತದಲ್ಲಿ ಘಟಕ ನಿರ್ಮಿಸಲಿದೆಯಂತೆ. ಇಲ್ಲಿ ಸುಮಾರು 40 ಕೋಟಿ ಡಾಲರ್ ಆದಾಯ ಸಂಪಾದಿಸುವ ನಿರೀಕ್ಷೆಯನ್ನೂ ಕಂಪನಿ ವ್ಯಕ್ತಪಡಿಸಿದೆ. ಸದ್ಯ ಕಂಪನಿಯು ಆಫ್-ರೋಡರ್ಸ್ ಗಳನ್ನು ಅಮೆರಿಕ ಮತ್ತು ಮೆಕ್ಸಿಕೊದಿಂದ ಆಮದು ಮಾಡಿಕೊಳ್ಳಲು ಉದ್ದೇಶಿಸಿದೆ.

ಈ ವಾಹನಗಳು ಭಾರತದಲ್ಲಿಯೇ ಉತ್ಪಾದನೆಯಾದರೆ ಕಡಿಮೆ ದರಕ್ಕೆ ನೀಡಬಹುದು ಎಂದು ಕಂಪನಿ ಹೇಳಿದೆ. ಯಾಕೆಂದರೆ ಆಮದು ಸುಂಕ ಶೇಕಡ 110ರಷ್ಟು ನೀಡುವುದು ಆಫ್ ರೋಡ್ ವಾಹನಗಳನ್ನು ದುಬಾರಿಯಾಗಿಸಲಿದೆ. ಕಂಪನಿಯು ಸ್ಥಳೀಯ ಪಾಲುದಾರರು ಮತ್ತು ಬಿಡಿಭಾಗಗಳ ಪೂರೈಕೆದಾರರ ಹುಡುಕಾಟದಲ್ಲಿದೆ.