ಮುಂದಿನ 5 ವರ್ಷದಲ್ಲಿ 20 ಹೊಸ ಮಾರುತಿ ಕಾರು

ರಸ್ತೆಗಿಳಿಯಲಿರುವ 20 ಕಾರುಗಳಲ್ಲಿ ಶೇಕಡ 70-80ರಷ್ಟು ಸಣ್ಣಕಾರು ಸೆಗ್ಮೆಂಟಿಗೆ ಬರಲಿವೆ. ಇದರಲ್ಲಿ ಕೆಲವು ಹಳೆಯ ಆವೃತ್ತಿಗಳನ್ನು ಪರಿಷ್ಕರಿಸುವುದು ಸೇರಿರುವ ನಿರೀಕ್ಷೆಯಿದೆ.

ಕಂಪನಿಯು 2012ರ ದೆಹಲಿ ವಾಹನ ಪ್ರದರ್ಶನದಲ್ಲಿ ನೂತನ ಸ್ವಿಫ್ಟ್ ಡಿಜೈರ್ ಪರಿಚಯಿಸಲು ನಿರ್ಧರಿಸಿದೆ. ಇದರೊಂದಿಗೆ ಫೇಸ್ ಲಿಫ್ಟ್ ಏಸ್ಟಾರ್, ಬ್ಯಾಕ್ ಲಿಫ್ಟ್ ರಿಟ್ಜ್ , ನೂತನ ಆಲ್ಟೊ800 ಮುಂತಾದ ಕಾರುಗಳು ರಸ್ತೆಗಿಳಿಯಲಿವೆ.

ನೂತನ ಕಾರುಗಳನ್ನು ಅಭಿವೃದ್ಧಿಪಡಿಸಲು ಕಂಪನಿಯು 1,000-1,500 ಕೋಟಿ ರು. ಹೂಡಿಕೆ ಮಾಡಲಿದೆ. ರೋಹ್ತಾಕ್ ನಲ್ಲಿರುವ ಕಂಪನಿಯ ನೂತನ ಸಂಶೋಧನೆ ಮತ್ತು ಅಭಿವೃದ್ಧಿ ಘಟಕ 2014ರ ವೇಳೆಗೆ ಉದ್ಘಾಟನೆಗೊಳ್ಳುವ ನಿರೀಕ್ಷೆಯಿದೆ.