ದೇಶಕ್ಕೆ ಬಂತು ಟಾಮ್ ಟಾಮ್ ಜಿಪಿಎಸ್ ಸಿಸ್ಟಮ್

ಈ ಮೂರು ಜಿಪಿಎಸ್ ಸಾಧನಗಳು ಅಕ್ಟೋಬರ್ ತಿಂಗಳಲ್ಲಿ ದೇಶದಲ್ಲಿ ಬಿಡುಗಡೆಯಾಗಲಿದೆ. ಇದರ ದರ ಸುಮಾರು 15 ಸಾವಿರ ರು. ಇರುವ ನಿರೀಕ್ಷೆಯಿದೆ. ರಿಲಯೆನ್ಸ್ ಡಿಜಿಟಲ್ ಕಾರ್ನೇಷನ್ ಮತ್ತು ರಿಲಯೆನ್ಸ್ ಆಟೋಝೋನ್ ರಿಟೇಲ್ ಸರಪಣಿ ಮೂಲಕ ಈ ಸಾಧನಗಳನ್ನು ಕಂಪನಿ ಮಾರಾಟ ಮಾಡಲಿದೆ.

ಟಾಮ್ ಟಾಮ್ ಕಂಪನಿಯ ಸಾತ್ನವ್ ಸಿಸ್ಟಮ್ ದೇಶದ 5 ಸಾವಿರ ಪಟ್ಟಣ(ನಗರ ಸೇರಿದಂತೆ)ಗಳಲ್ಲಿ ಮತ್ತು 11 ಸ್ಥಳೀಯ ಭಾಷೆಗಳಲ್ಲಿ ಧ್ವನಿಸೇವೆ ಆಧರಿತವಾಗಿ ದಾರಿ ತೋರಿಸಲಿದೆ. ಇದು ಒಂದು ರೀತಿಯ ಮ್ಯಾಪ್ ಸರ್ವಿಸ್ ಕೂಡ ಹೌದು. ಅಂದರೆ ಕಾರು ಚಲಿಸುತ್ತಿರುವಾಗ ದಾರಿ ಕುರಿತು ಗೊಂದಲವಾದರೆ ಇದನ್ನು ನೋಡಿದರೆ ಸಾಕು. ಇದು ಸ್ಥಳೀಯ ವಿಶೇಷತೆಗಳನ್ನು ಕೂಡ ನೀಡುತ್ತದೆ.

ಟಾಮ್ ಟಾಮ್ ಕಂಪನಿಯು ಇದನ್ನು ಅಳವಡಿಸಿಕೊಳ್ಳುವಂತೆ ಕಾರುಕಂಪನಿಗಳಲ್ಲೂ ಮಾತುಕತೆ ನಡೆಸುತ್ತಿದೆ. ಸದ್ಯ ಟಾಮ್ ಟಾಮ್ ಪ್ರಧಾನ ಕಚೇರಿ ಪುಣೆಯಲ್ಲಿದೆ. ಕಂಪನಿಯು ಕಳೆದ ಹತ್ತು ವರ್ಷಗಳಿಂದ ದೇಶಕ್ಕಾಗಿ ವಿಶೇಷ ಮ್ಯಾಪ್ ಅಭಿವೃದ್ಧಿಪಡಿಸುತ್ತಿದೆ. ಕಂಪನಿಯ ಈ ಅನುಭವ ಟಾಮ್ ಟಾಮ್ ಗ್ರಾಹಕರಿಗೆ ವಿಶೇಷ ಪ್ರಯಾಣದ ಅನುಭವ ನೀಡುವ ನಿರೀಕ್ಷೆಯಿದೆ.