2015ಕ್ಕೆ ಶೋರೂಂ ದ್ವಿಗುಣಗೊಳಿಸಲು ಮಾರುತಿ ನಿರ್ಧಾರ

ಮಾರುತಿ ಸುಜುಕಿ ತನ್ನ 1 ಸಾವಿರನೇ ಶೋರೂಂನ್ನು ಸೂರತ್ ನಲ್ಲಿ ಆರಂಭಿಸಿದೆ. ಕಂಪನಿಯು ಸಣ್ಣ ಮತ್ತು ಅತಿಸಣ್ಣ ಪಟ್ಟಣಗಳಲ್ಲೂ ಶೋರೂಂ ತೆರೆಯುವ ಯೋಜನೆ ಹೊಂದಿದೆ. ಒಟ್ಟಾರೆ ಮಾರಾಟ ಹೆಚ್ಚಿಸುವುದು ಕಂಪನಿಯ ಉದ್ದೇಶ.

"ಮಾರಾಟ ಜಾಲ ಹೆಚ್ಚಿಸುವುದು ಕಂಪನಿಯ ಮಾರಾಟ ಹೆಚ್ಚಿಸುವ ಕಾರ್ಯತಂತ್ರ. ಅದಕ್ಕೆ ಗಮನ ನೀಡುವುದನ್ನು ಇನ್ನೂ ಮುಂದುವರೆಸಲಿದ್ದೇವೆ. ಮುಂದಿನ ಕೆಲವೇ ವರ್ಷಗಳಲ್ಲಿ ನಮ್ಮ ಮಾರಾಟ ಜಾಲ ಎರಡು ಪಟ್ಟು ಹೆಚ್ಚಿಸಿಕೊಳ್ಳಲಿದ್ದೇವೆ" ಎಂದು ಮಾರುತಿ ಸುಜುಕಿ ಸಿಇಒ ಶಿಂಜೊ ನಕನಿಶಿ ಹೇಳಿದ್ದಾರೆ.

ಮಾರುತಿ ಸುಜುಕಿ "ನವ್ ನಿರ್ಮಾಣ್" ಹೆಸರಿನಲ್ಲಿ ತನ್ನ ಶೋರೂಂಗಳನ್ನು ಅಪ್ ಗ್ರೇಡ್ ಮಾಡಲಿದೆ. ದೇಶದ ಎಲ್ಲಾ ಶೋರೂಂಗಳು ಗ್ರಾಹಕರಿಗೆ ಒಂದೇ ರೀತಿಯ ಖರೀದಿ ಅನುಭವ ನೀಡುವಂತೆ ಮಾಡುವುದು ಕಂಪನಿಯ ಗುರಿ. ಕಂಪನಿ ಸದ್ಯ ಮಾನೆಸರ್ ಘಟಕದಲ್ಲಿ ನೌಕರರ ಪ್ರತಿಭಟನೆಯಿಂದ ಉತ್ಪಾದನೆಯಲ್ಲಿ ಸಾಕಷ್ಟು ಹಿನ್ನಡೆ ಅನುಭವಿಸುತ್ತಿದೆ.