ಹ್ಯುಂಡೈ ಸೆಪ್ಟೆಂಬರ್ ಮಾರಾಟ ಶೇ. 13.2ರಷ್ಟು ಹೆಚ್ಚಳ

ಕಳೆದ ತಿಂಗಳು ಕಂಪನಿಯ ದೇಶಿ ವಾಹನ ಮಾರಾಟ 35,955 ಯುನಿಟ್ ತಲುಪಿದೆ. ಕಳದೆ ವರ್ಷದ ಸೆಪ್ಟಂಬರ್ ತಿಂಗಳ 31,956 ಯುನಿಟ್ ದೇಶಿಯ ಮಾರಾಟಕ್ಕೆ ಹೋಲಿಸಿದರೆ ಶೇಕಡ 13.2ರಷ್ಟು ಏರಿಕೆ ದಾಖಲಿಸಿದೆ. ಇದೇ ಸಮಯದಲ್ಲಿ ಕಂಪನಿಯ ಕಾರು ರಫ್ತು 21,856 ಯುನಿಟ್ ಗೆ ತಲುಪಿದೆ. ಕಳೆದ ವರ್ಷದ ಇದೇ ಅವಧಿಯ 19,688 ಯುನಿಟ್ ಮಾರಾಟಕ್ಕೆ ಹೋಲಿಸಿದರೆ ರಫ್ತು ಶೇಕಡ 11ರಷ್ಟು ಹೆಚ್ಚಾಗಿದೆ.

ಸೆಪ್ಟೆಂಬರ್ ತಿಂಗಳಲ್ಲಿ ಕಂಪನಿಯ 49,552 ಯುನಿಟ್ ಎ2 ಸೆಗ್ಮೆಂಟ್(ಸ್ಯಾಂಟ್ರೊ, ಐ10, ಐ20 ಇತ್ಯಾದಿ) ಕಾರುಗಳು ಮಾರಾಟವಾಗಿವೆ. 8,051 ಯುನಿಟ್ ಎ3 ಸೆಗ್ಮೆಂಟ್ ಗಳಾದ ಅಸೆಂಟ್ ಮತ್ತು ವೆರ್ನಾ ಕಾರುಗಳು ಮಾರಾಟವಾಗಿವೆ. ಎ5 ಸೆಗ್ಮೆಂಟ್ ಕಾರಾದ ಸೊನಾಟ ಟ್ರಾನ್ಸ್ ಫಾರ್ಮ್ 7 ಯುನಿಟ್ ಮಾರಾಟವಾಗಿದೆ. ಸಾಂಟಾ ಫೆ ಸ್ಪೋರ್ಟ್ಸ್ ಕಾರು 198 ಯುನಿಟ್ ಮಾರಾಟವಾಗಿದೆ.