ಸ್ಕೋಡಾ ಸೆಡಾನ್ ಕಾರು ರಾಪಿಡ್ ಉತ್ಪಾದನೆ ಸುರು

"ಇಂದು(ಶುಕ್ರವಾರ) ನ್ಯೂ ರಾಪಿಡ್ ಕಾಂಪ್ಯಾಕ್ಟ್ ಸಲೋನ್ ಕಾರಿನ ಭಾರತದ ಆವೃತ್ತಿಯ ಉತ್ಪಾದನೆಯನ್ನು ಆರಂಭಿಸುತ್ತಿದ್ದೇವೆ" ಎಂದು ಸ್ಕೋಡಾ ಆಟೋ ಚೆರ್ಮನ್ ವಿನ್ ಫ್ರಿಡ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಶೀಘ್ರದಲ್ಲಿ 5 ಸೀಟಿನ ನೂತನ ರಾಪಿಡ್ ಕಾರನ್ನು ಬಿಡುಗಡೆ ಮಾಡಲಿದ್ದೇವೆ ಎಂದು ಅವರು ಹೇಳಿದ್ದಾರೆ. ಈ ಕಾರು ಸಾಕಷ್ಟು ಸ್ಥಳಾವಕಾಶ ಹೊಂದಿದ್ದು, ಐದು ಜನರು ಆರಾಮವಾಗಿ ಕುಳಿತುಕೊಳ್ಳಬಹುದು ಎಂದು ವಿನ್ ಫ್ರಿಡ್ ಪ್ರಕಟಣೆಯಲ್ಲಿ ವಿವರಿಸಿದ್ದಾರೆ.

ನೂತನ ರಾಪಿಡ್ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿಗಳಲ್ಲಿ ದೊರಕಲಿದೆ. ಕಂಪನಿಯು 2018ಕ್ಕೆ ಒಟ್ಟಾರೆ ಉತ್ಪಾದನೆಯನ್ನು ಎರಡು ಪಟ್ಟು ಹೆಚ್ಚಿಸುವ ಗುರಿಯನ್ನೂ ಹೊಂದಿದೆ.