ಚಂಡಿಗಡದಲ್ಲಿ 3.10 ಲಕ್ಷ ರು.ಗೆ "ಎಕೆ-47" ಮಾರಾಟ

ಚಂಡಿಗಡದಲ್ಲಿ ಕೆಲವು ದಿನದ ಹಿಂದೆ ವಾಹನ ರಿಜಿಸ್ಟ್ರೇಷನ್ ಸಂಖ್ಯೆ ಹರಾಜು ನಡೆಯಿತು. ಇದರಲ್ಲಿ ಎಕೆ-47 ಸಂಖ್ಯೆ 3.10 ಲಕ್ಷ ರು.ಗೆ ಹರಾಜಾಗಿದೆ. ಎಕೆ-56 ಹೆಸರಿನ ನಂಬರ್ ಕೂಡ ಹರಾಜಿನಲ್ಲಿತ್ತು. ಆದರೆ ಇದು ಕೇವಲ 10 ಸಾವಿರ ರುಪಾಯಿಗೆ ಬಿಕರಿಯಾಯಿತು. ಅಷ್ಟೇ!

ಪಂಜಾಬ್ ಮೂಲದ ಧಾರ್ಮಿಕ ಸಂಸ್ಥೆಯೊಂದು ತನ್ನಲ್ಲಿರುವ ಐಷಾರಾಮಿ ಕಾರಿಗೆ ಸುಮಾರು 3.10 ಲಕ್ಷ ರು. ಪಾವತಿಸಿ ಎಕೆ-47 ರಿಜಿಸ್ಟ್ರೇಷನ್ ನಂಬರ್ ತನ್ನದಾಗಿಸಿಕೊಂಡಿದೆ. ಚಂಡಿಗಡ ರಿಜಿಸ್ಟ್ರೇಷನ್ ಆಂಡ್ ಲೈಸನ್ಸಿಂಗ್ ಅಥಾರಿಟಿಯು ಫ್ಯಾನ್ಸಿ ನಂಬರ್ ಹರಾಜಿನಿಂದ ಒಟ್ಟು 48 ಲಕ್ಷ ರುಪಾಯಿ ಬಾಚಿಕೊಂಡಿದೆ.

ಎಕೆ-47 ನಂಬರ್ 3.10 ಲಕ್ಷ ರುಪಾಯಿಗೆ ಮಾರಾಟವಾದರೆ, 0007 ನಂಬರ್ 4.21 ಲಕ್ಷ ರು.ಗೆ, 0005 ಸಂಖ್ಯೆ 3.25 ಲಕ್ಷ ರು.ಗೆ, 0001 ಅಂಕಿ 3.1 ಲಕ್ಷ ರುಪಾಯಿಗೆ ಹರಾಜಾಗಿದೆ.