ಮಾರುತಿ ಸುಜುಕಿ ಹತ್ತು ಉದ್ಯೋಗ ಕಡಿತ, 5 ಸಸ್ಪೆಂಡ್

ಅಕ್ಟೋಬರ್ 7ರಿಂದ ಮತ್ತೆ ನೌಕರರು ಪ್ರತಿಭಟನೆ ಆರಂಭಿಸಿದ್ದರು. ಪ್ರತಿಭಟನಾಕಾರರು ಬಲವಂತವಾಗಿ ಘಟಕದೊಳಗೆ ಕೂಡಿಹಾಕಿದ್ದ 100 ನೌಕರರನ್ನು ರಕ್ಷಿಸಿರುವುದಾಗಿ ಕಂಪನಿ ಹೇಳಿದೆ. ಜೊತೆಗೆ ಪೊಲೀಸರ ನೆರವಿನಿಂದ ಸುಮಾರು 350 ಕೆಲಸಗಾರರಿಗೆ ರಕ್ಷಣೆ ನೀಡಿರುವುದಾಗಿ ಮಾರುತಿ ಹೇಳಿದೆ. ಇವರೆಲ್ಲ ಪ್ರತಿಭಟನಾ ನಿರತ ನೌಕರರಿಂದ ಹಲ್ಲೆಗೀಡಾಗಿದ್ದರು.

ಕಳೆದ ಶುಕ್ರವಾರದಿಂದ ಸುಮಾರು 170 ಸಿಬ್ಬಂದಿಗಳು ಪ್ರತಿಭಟನೆ ನಿರತರಾಗಿದ್ದಾರೆ. ಹರ್ಯಾಣ ಸರಕಾರಿ ಅಧಿಕಾರಿಗಳ ಮುಂದೆ ಕಂಪನಿ ಮತ್ತು ನೌಕರರ ನಡುವೆ ಉತ್ತಮ ನಡತೆ ಒಪ್ಪಂದಕ್ಕೆ ಸಹಿ ಮಾಡಲಾಗಿದೆ.

ಅಕ್ಟೋಬರ್ ಒಂದರಂದು ಎಲ್ಲಾ ನೌಕರರು ಒಪ್ಪಿರುವ ಒಪ್ಪಂದದ ಸೂಚಿಯಂತೆ ಕಾರ್ಯನಿರ್ವಹಿಸುತ್ತಿರುವುದಾಗಿ ಮಾರುತಿ ಸುಜುಕಿಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.