ಪ್ರತಿಭಟನೆ ಕಾನೂನುಬಾಹಿರ ಅನ್ನಲು ಹೈಕೋರ್ಟ್ ನಕಾರ

ನೌಕರರು ನಡೆಸುತ್ತಿರುವ ಪ್ರತಿಭಟನೆ ಅಸಾಂವಿಧಾನಿಕ ಎನ್ನಲು ನಿರಾಕರಿಸಿದೆ. ಆದರೆ ಮಾರುತಿ ಫ್ಯಾಕ್ಟರಿಯ 100 ಮೀಟರ್ ವ್ಯಾಪ್ತಿಯಲ್ಲಿ ಯಾವುದೇ ಪ್ರತಿಭಟನೆ ನಡೆಸಕೂಡದು ಎಂದು ಹೈಕೋರ್ಟ್ ಸ್ಪಷ್ಟವಾಗಿ ಹೇಳಿದೆ.

ಕಂಪನಿಯ ನೌಕರರು ಈ ಹಿಂದೆ ಒಂದು ತಿಂಗಳ ಕಾಲ ಪ್ರತಿಭಟನೆ ನಡೆಸಿದ್ದರು. ಇದರಿಂದ ಬೇಸೆತ್ತ ಕಂಪನಿ ಅಕ್ಟೋಬರ್ ಒಂದರಂದು ನೌಕರರಿಂದ ಉತ್ತಮ ನಡತೆ ಬಂಧಕ್ಕೆ ಸಹಿ ಹಾಕಿಸಿತ್ತು. ಆದರೆ ಈ ಅಗ್ರಿಮೆಂಟಿಗೆ ವಿರುದ್ಧವಾಗಿ ಮತ್ತೆ ನೌಕರರು ಪ್ರತಿಭಟನೆ ಆರಂಭಿಸಿದಾಗ ಕಂಪನಿಯು ಪಂಜಾಬ್-ಹರ್ಯಾಣ ಹೈಕೋರ್ಟ್ ಮೆಟ್ಟಲೇರಿತ್ತು.

ನೌಕರರ ಪ್ರತಿಭಟನೆಯನ್ನು ಹರ್ಯಾಣ ಸರಕಾರ ಅಸಾಂವಿಧಾನಿಕ ಎಂದಿತ್ತು.ನೌಕರರ ಪ್ರತಿಭಟನೆಯಿಂದ ಮಾರುತಿಯ ಕಾರು ಉತ್ಪಾದನೆಗೆ ಭಾರಿ ಹಿನ್ನಡೆಯಾಗಿದೆ. ಕಂಪನಿಯ ಜನಪ್ರಿಯ ಹೊಸ ಸ್ವಿಫ್ಟ್ ಉತ್ಪಾದನೆಯೂ ಕುಂಠಿತವಾಗಿದೆ. ಹೀಗಾಗಿ ಸ್ವಿಫ್ಟ್ ವೇಟಿಂಗ್ ಅವಧಿಯೂ ಹೆಚ್ಚಾಗಿದೆ.