ಫೇಸ್ಬುಕ್, ವೆಬ್ಸೈಟ್ ನೋಡಿ ಕಾರು ಖರೀದಿಸ್ತಿವಿ ನಾವು!!

ವೆಬ್ ಸೈಟುಗಳು, ಸಾಮಾಜಿಕ ಜಾಲತಾಣಗಳು, ವಾಹನ ಕಂಪನಿಗಳ ಜಾಲತಾಣಗಳನ್ನು ದೇಶದ ಗ್ರಾಹಕರು ಹೆಚ್ಚು ಅವಲಂಬಿಸುತ್ತಿದ್ದಾರೆ. ಅಂತರ್ ಜಾಲದಲ್ಲಿ ವಾಹನ ಸಂಶೋಧನೆ ಮಾಡುವರ ಪ್ರಮಾಣ 2010ರಲ್ಲಿ ಶೇ. 86ರಷ್ಟಿತ್ತು. ಈ ವರ್ಷ ಇದು ಶೇಕಡ 96ಕ್ಕೆ ನೆಗೆದಿದೆ.

ಈ ಸಮೀಕ್ಷೆ ನಡೆಸಿದ್ದು ತಂತ್ರಜ್ಞಾನ ಮತ್ತು ಹೊರಗುತ್ತಿಗೆ ಸಲಹಾ ಸಂಸ್ಥೆ ಕಪ್ಜ್ ಮಿನಿ. ಭಾರತ, ಚೀನಾ, ಬ್ರೆಝಿಲ್, ರಷ್ಯಾ, ಫ್ರಾನ್ಸ್, ಜರ್ಮನಿ, ಅಮೆರಿಕ, ಇಂಗ್ಲೆಂಡಿನ ಸುಮಾರು 8 ಸಾವಿರ ಗ್ರಾಹಕರು Cars Online 11/12 ಸಮೀಕ್ಷೆಯಲ್ಲಿ ಪಾಲ್ಗೊಂಡಿದ್ದರು.

ವಾಹನ ಖರೀದಿಗೆ ಮುನ್ನ ಸಾಮಾಜಿಕ ಮಾಧ್ಯಮ ಅಥವಾ ಆನ್ ಲೈನ್ ನಲ್ಲಿ ಸಂಶೋಧನೆ ಮಾಡುವುದಾಗಿ ದೇಶದ ಹೆಚ್ಚಿನ ಗ್ರಾಹಕರು ಹೇಳಿದ್ದಾರೆ. ನಾವು ಖರೀದಿಸುವ ವಾಹನದ ಕುರಿತು ಆನ್ ಲೈನ್ ನಲ್ಲಿ ಸಕಾರಾತ್ಮಕ ಪ್ರತಿಕ್ರಿಯೆ ಹೆಚ್ಚಿದ್ದರೆ ಮಾತ್ರ ಖರೀದಿಸುವುದಾಗಿ ಶೇಕಡ 78ರಷ್ಟು ಸಂವಾದಿಗಳು ಹೇಳಿದ್ದಾರೆ.

ನಿಮ್ಮ ವಾಹನ ಚಾಲನೆ ಹವ್ಯಾಸಕ್ಕೆ ಇನ್ನಷ್ಟು ಅಶ್ವಶಕ್ತಿ ತುಂಬಲು ನಾವಂತೂ ರೆಡಿ.