ಯಾವ ಕಾರಿಗೆ ಎಷ್ಟು ರೇಟ್? ಇದು ಡಿಸ್ಕೌಂಟ್ ಕಾಲ

ಇಂತಹ ಸಂದಿಗ್ಧತೆಯಲ್ಲಿ ಮಾರಾಟ ಹೆಚ್ಚಿಸಿಕೊಳ್ಳಲು ಕಾರು ಕಂಪನಿಗಳು ಶತಾಯಗತಾಯ ಪ್ರಯತ್ನಿಸುತ್ತಿವೆ. ತಮ್ಮ ತಮ್ಮ ಕಾರುಗಳತ್ತ ಗ್ರಾಹಕರನ್ನು ಸೆಳೆಯಲು ಹಲವು ಕಾರು ಕಂಪನಿಗಳು ದರ ವಿನಾಯಿತಿ ಮತ್ತು ಆಮೀಷಗಳನ್ನು ಪ್ರಕಟಿಸುತ್ತಿವೆ.

ಫೋರ್ಡ್ ಇಂಡಿಯಾ ಕಂಪನಿಯು ಫಿಯೆಸ್ಟಾ ಕಾರಿನ ದರವನ್ನು ಸುಮಾರು 75 ಸಾವಿರ ರು.ನಷ್ಟು ತಗ್ಗಿಸಿದೆ. ಇದೀಗ ಫೋರ್ಡ್ ಫಿಯೆಸ್ಟಾ ಪೆಟ್ರೋಲ್ ಆವೃತ್ತಿ ದರ ಸುಮಾರು 8.45 ಲಕ್ಷ ರು.ಗೆ ತಲುಪಿದೆ.

ದೇಶದ ಬೃಹತ್ ಕಾರು ಕಂಪನಿ ಮಾರುತಿ ಸುಜುಕಿ ಕಾರುಗಳ ದರ ಕೂಡ ಕಡಿಮೆಯಾಗಿವೆ. ಕಂಪನಿಯು ವಿವಿಧ ಬ್ರಾಂಡ್ ಕಾರುಗಳಿಗೆ ಶೇಕಡ 20ರಷ್ಟು ವಿನಾಯಿತಿ ಪ್ರಕಟಿಸಿದೆ. ನಿಖರ ದರ ತಿಳಿಯಲು ಹತ್ತಿರದ ಮಾರುತಿ ಶೋರೂಂಗೆ ಒಮ್ಮೆ ಭೇಟಿ ನೀಡಬಹುದು.

ಇಷ್ಟೇ ಅಲ್ಲದೇ ಸ್ಕೋಡಾ, ಹ್ಯುಂಡೈ, ಷೆವರ್ಲೆ ಮತ್ತು ಫಿಯೆಟ್ ಕಂಪನಿಗಳು ಉಚಿತ ವಿಮೆ ಮತ್ತು ಕಡಿಮೆ ಬಡ್ಡಿದರದಲ್ಲಿ ಕಾರುಗಳನ್ನು ಮಾರಾಟ ಮಾಡುತ್ತಿವೆ. ಟಾಟಾ ಮಾಂಝ್ ದರ ಸುಮಾರು 30 ಸಾವಿರ ರು.ನಿಂದ 34 ಸಾವಿರ ರು.ನಷ್ಟು ಕಡಿಮೆಯಾಗಿದೆ. ನಿಸ್ಸಾನ್ ಸನ್ನಿ ದರ ಕೂಡ ಕಡಿಮೆಯಾಗಿದೆ.