ಮಾರುತಿ ಆಲ್ಟೋ ಲೀಟರಿಗೆ 49.3 ಕಿ.ಮೀ. ಮೈಲೇಜ್!!

ಆಲ್ಟೋ ಎಕ್ಸ್ ಪ್ಲೋರ್ ಮ್ಯಾಕ್ಸ್ ಮೈಲೇಜ್ ರಾಲಿಯಲ್ಲಿ ದಿಲೀಪ್ ದಾಸ್ ಈ ದಾಖಲೆ ಬರೆದಿದ್ದಾರೆ. ಈ ಮೈಲೇಜ್ ಎಕ್ಸ್ ಪ್ಲೋರ್ ಕಾರ್ಯಕ್ರಮವನ್ನು ದೇಶದ ಬೃಹತ್ ಕಾರು ಕಂಪನಿ ಮಾರುತಿ ಸುಜುಕಿ ಆಯೋಜಿಸಿತ್ತು. ರಾಲಿಯಲ್ಲಿ ಆಲ್ಟೋ/ಆಲ್ಟೋ ಕೆ10 ಕಾರು ಮಾಲಿಕರಿಗೆ ಭಾಗವಹಿಸಲು ಅವಕಾಶ ನೀಡಲಾಗಿತ್ತು.

ದಿಲಿಪ್ ದಾಸ್ ತನ್ನ ಆಲ್ಟೋ ಕಾರಿನಲ್ಲಿ ಪ್ರತಿಲೀಟರಿಗೆ 49.3 ಕಿ.ಮೀ. ಮೈಲೇಜ್ ಪಡೆದಿದ್ದಾರೆ. ಮತ್ತೊಬ್ಬ ಆಲ್ಟೋ ಡ್ರೈವರ್ ಪ್ರತಿಲೀಟರ್ ಪೆಟ್ರೋಲಿಗೆ ಸುಮಾರು 48.2 ಕಿ.ಮೀ. ಮೈಲೇಜ್ ಪಡೆದಿದ್ದಾರೆ. ಹೈದರಾಬಾದಿನ ಪಿ ಸಾಯಿ ಸುಮಂತ್ ಪ್ರತಿಲೀಟರಿಗೆ 47.6 ಕಿ.ಮೀ. ಮೈಲೇಜ್ ಪಡೆದಿದ್ದಾರೆ.

ಗ್ರಾಹಕರಿಗೆ ಅತ್ಯುತ್ತಮವಾದ ಚಾಲನೆ ಅಭಿರುಚಿ ಬೆಳೆಸುವುದು ಈ ಕಾರ್ಯಕ್ರಮದ ಉದ್ದೇಶವೆಂದು ಮಾರುತಿ ಸುಜುಕಿ ಹೇಳಿದೆ. Alto Xplore Max Mileage ರಾಲಿಯನ್ನು ದೆಹಲಿ, ಕೊಲ್ಕತ್ತಾ, ಹೈದರಾಬಾದ್ ಮತ್ತು ಜೈಪುರದಲ್ಲಿ ಆಯೋಜಿಸಲಾಗಿತ್ತು. ಸುಮಾರು 312 ಆಲ್ಟೋ ಕಾರುಗಳು ರಾಲಿಯಲ್ಲಿ ಭಾಗವಹಿಸಿದ್ದವು.