ಭಾರತದ ವಾಹನ ಗುಣಮಟ್ಟ ತೃಪ್ತಿದಾಯಕ: ಸಮೀಕ್ಷೆ

ವಾಹನ ಮಾಲಿಕರು ವಾಹನ ಖರೀದಿಸಿದ ಮೊದಲ ಎರಡರಿಂದ ಆರು ತಿಂಗಳಲ್ಲಿ ಉಂಟಾಗುವ ತಾಂತ್ರಿಕ ಸಮಸ್ಯೆಗಳನ್ನು ಸಮೀಕ್ಷೆಯಲ್ಲಿ ಪರಿಶೀಲಿಸಲಾಗಿತ್ತು. ಸುಮಾರು 8 ವಾಹನ ವಿಭಾಗದಲ್ಲಿ 200 ಸಮಸ್ಯೆಗಳ ಮಾನದಂಡವನ್ನಿಟ್ಟುಕೊಂಡು ಸಮೀಕ್ಷೆ ನಡೆಸಲಾಗಿದೆ.

ಎಂಜಿನ್ ಮತ್ತು ಟ್ರಾನ್ಸ್ ಮಿಷನ್, ಎಕ್ಸ್ ಟೀರಿಯರ್, ಡ್ರೈವಿಂಗ್ ಅನುಭವ, ಫೀಚರ್ಸ್, ಕಂಟ್ರೊಲ್ಸ್, ಇಂಟಿರಿಯರ್, ಸೀಟ್, ಆಡಿಯೊ ಮತ್ತು ಮನರಂಜನೆ, ನ್ಯಾವಿಗೇಷನ್ ಮುಂತಾದ ವಿಭಾಗದಲ್ಲಿ ಉಂಟಾಗುವ ಸಮಸ್ಯೆಗಳನ್ನು ಅಧ್ಯಯನ ಮಾಡಲಾಗಿದೆ.

ಈ ಎಲ್ಲ ಸಮಸ್ಯೆಗಳನ್ನು ಹುಡುಕಿ ನಡೆಸಿದ ಸಮೀಕ್ಷೆಯಲ್ಲಿ ವಾಹನ ಗುಣಮಟ್ಟ ಹೆಚ್ಚಾಗಿರುವುದು ತಿಳಿದುಬಂದಿದೆ. 2010ರ ವಾಹನ ಗುಣಮಟ್ಟಕ್ಕೆ ಹೋಲಿಸಿದರೆ ಆಶಾದಾಯಕವಾಗಿ ಶೇಕಡ ಹದಿನಾರರಷ್ಟು ಗುಣಮಟ್ಟ ಹೆಚ್ಚಾಗಿದೆ.

"ಕಳೆದ ಕೆಲವು ವರ್ಷಗಳಿಂದ ಭಾರತದ ವಾಹನಗಳ ಗುಣಮಟ್ಟ ಗಮನಾರ್ಹವಾಗಿ ಏರಿಕೆ ಕಾಣುತ್ತಿದೆ" ಎಂದು ಜೆಡಿ ಪವರ್ ನಿರ್ದೇಶಕ ಮೊಹಿತ್ ಅರೊರಾ ಹೇಳಿದ್ದಾರೆ.