ಹೊಸ ಮಿಟ್ಸುಬಿಸಿ ಪಜೆರೊ ರಸ್ತೆಗೆ, ದರ 23.65 ಲಕ್ಷ ರು.

ಚಿತ್ರಲೋಕ

ಹೊಸ ಪಜೆರೊ ದೆಹಲಿ ಎಕ್ಸ್ ಶೋರೂಂ ದರ 23.65 ಲಕ್ಷ ರುಪಾಯಿ. ಸಾಕಷ್ಟು ಹೊಸ ಫೀಚರ್ಸ್ ಇರುವುದರಿಂದ ದರ ಹೆಚ್ಚಿದ್ದರೂ ಗ್ರಾಹಕರನ್ನು ಸೆಳೆಯುವ ನಿರೀಕ್ಷೆ ಕಂಪನಿಯದ್ದು. ಮ್ಯಾನುಯಲ್ ಆಯ್ಕೆಯಲ್ಲಿ ದೊರಕುವ 20 ಲಕ್ಷ ರು.ಗಿಂತ ಹೆಚ್ಚು ದರದ ಒಂದೇ ಒಂದು ಕಾರೆಂದರೆ ಪಜೆರೊ ಎನ್ನುವುದು ಇದರ ಮೇಲಿರುವ ದೂರು.

ಚರ್ಮದ ಸೀಟು, ಚರ್ಮದ ಹಾಸಿರುವ ಸ್ಟಿಯರಿಂಗ್ ವೀಲ್, ಸ್ಟಿಯರಿಂಗ್ ವೀಲ್ ನಲ್ಲೇ ಆಡಿಯೋ ಕಂಟ್ರೋಲ್, ಚಾಲಕ ಮತ್ತು ಪ್ರಯಾಣಿಕ ಸೀಟುಗಳಿಗೆ ಏರ್ ಬ್ಯಾಗ್, ಚರ್ಮದ ಹಾಸಿರುವ ಗೇರ್ ನಾಬ್, ಯುಎಸ್ ಬಿ ಸ್ಲಾಟ್ ಜೊತೆಗೆ ಎಂಪಿ3 ಪ್ಲೇಯರ್, ಮಲ್ಟಿ ಪಂಕ್ಷನ್ ಡಿಸ್ ಪ್ಲೇ, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್ ಮತ್ತು ರಿಯರ್ ಸ್ಪ್ಲಿಟ್ ಸೀಟುಗಳು ಇದರಲ್ಲಿ ಪ್ರಮುಖ ನೂತನ ಫೀಚರುಗಳಾಗಿವೆ.

ಸ್ವಯಂಚಾಲಿತ ಲೆವೆಲ್ ಕಂಟ್ರೋಲ್ ಇರುವ ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್, ಆಕರ್ಷಕ ಡೋರ್ ಹ್ಯಾಂಡಲ್, ಹಿಂಭಾಗದಲ್ಲಿ ಪಾರ್ಕಿಂಗ್ ಸೆನ್ಸಾರ್, ಎಬಿಎಸ್ ಮತ್ತು ಇಬಿಡಿ, ಹಿಂಭಾಗಕ್ಕೂ ವೈಪರ್ ಮತ್ತು ಡಿಫಾಗರ್ ಇತ್ಯಾದಿ ಹತ್ತು ಹಲವು ಹೊಸ ಫೀಚರುಗಳು ಪಜೆರೊ ಸ್ಪೋರ್ಟ್ ಕಾರಿನಲ್ಲಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)