ಅಕ್ಟೋಬರ್ ಒಂದರಿಂದ ಕಾರುಗಳ ದರ ಹೆಚ್ಚಳ

ಚಿತ್ರಲೋಕ

ಹೋಂಡಾ ಕಂಪನಿಯು ದೇಶದಲ್ಲಿ ಜಾಝ್, ಬ್ರಿಯೊ ಮತ್ತು ಸಿಟಿ ಕಾರುಗಳ ದರವನ್ನು ಶೇಕಡ 0.2ರಿಂದ ಶೇಕಡ 2.6ರಷ್ಟು ಹೆಚ್ಚಳ ಮಾಡಲು ನಿರ್ಧರಿಸಿದೆ. ಮಾರುತಿ ಸುಜುಕಿ ಸಹ ಶೀಘ್ರದಲ್ಲಿ ದರ ಹೆಚ್ಚಳ ನಿರ್ಧಾರವನ್ನು ಪ್ರಕಟಿಸುವ ಸೂಚನೆ ದೊರೆತಿದೆ.

ಅಕ್ಟೊಬರ್ ಒಂದರಿಂದ ಬ್ರಿಯೊ ಕಾರು ದರ ಸಾವಿರ ರು.ನಷ್ಟು, ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಜಾಝ್ ದರ 15 ಸಾವಿರ ರು.ನಷ್ಟು ಮತ್ತು ಸೆಡಾನ್ ಕಾರು ಹೋಂಡಾ ಸಿಟಿ ದರ 1-6 ಸಾವಿರ ರು. ದುಬಾರಿಯಾಗಲಿದೆ. ಸಿವಿಕ್, ಅಕಾರ್ಡ್, ಸಿಆರ್ ವಿ ದರ ಹೆಚ್ಚಳವಿಲ್ಲವೆಂದು ಕಂಪನಿ ತಿಳಿಸಿದೆ.

ದೇಶದ ಬೃಹತ್ ಪ್ರಯಾಣಿಕ ಕಾರು ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಸಹ ದರ ಹೆಚ್ಚಳ ಮಾಡಲು ನಿರ್ಧರಿಸಿದೆ. ಈ ಕುರಿತು ಶೀಘ್ರದಲ್ಲಿ ಅಧಿಕೃತವಾಗಿ ಪ್ರಕಟಿಸುವ ನಿರೀಕ್ಷೆಯನ್ನು ಮಾರುತಿ ಸುಜುಕಿ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಹಬ್ಬದ ಸೀಸನಿನಲ್ಲಿ ಕಾರುಗಳ ಮಾರಾಟ ಹೆಚ್ಚಾಗಿರುತ್ತದೆ. ಇಂತಹ ಸಮಯದಲ್ಲಿ ದರ ಹೆಚ್ಚಳವು ಗ್ರಾಹಕರಿಗೆ ಕೊಂಚ ನಿರಾಶೆ ಉಂಟು ಮಾಡಲಿದೆ.