ಫಂಟೊಮ್ ಮೂಲಕ ಡ್ರಾಗನ್ ವರ್ಷ ಆಚರಿಸಿದ ಚೀನಾ

ಈ ಲಿಮಿಟೆಡ್ ಅಡಿಷನ್ ಐಷಾರಾಮಿ ಕಾರನ್ನು ಕಂಪನಿಯು ಕೇವಲ ಚೀನಾದಲ್ಲಿ ಮಾತ್ರ ಮಾರಾಟ ಮಾಡುತ್ತಿದೆ. ಈ ಕಾರಿನ ದರ ಸುಮಾರು 12 ಲಕ್ಷ ಡಾಲರ್. ಅಂದ್ರೆ ಸುಮಾರು ಆರು ಕೋಟಿ ರುಪಾಯಿ. ಹಳೆಯ ರೋಲ್ಸ್ ರಾಯ್ಸ್ ಫಂಟೊಮ್ ಆವೃತ್ತಿ ದರ ಸುಮಾರು 2 ಕೋಟಿ ರುಪಾಯಿ.

ನೂತನ ಕಾರು ಹಳೆಯ ಆವೃತ್ತಿಗಿಂತ ಮೂರು ಪಟ್ಟು ದುಬಾರಿ. ಯಾಕೆಂದರೆ ಈ ಕಾರಿನಲ್ಲಿ ಚಿನ್ನ ಲೇಪಿತ ಡ್ರಾಗನ್ ಚಿತ್ರವಿದೆ. ಇಷ್ಟು ದುಬಾರಿ ಕಾರು ಮಾರಾಟವಾಗೋದು ಕಷ್ಟವೆಂದು ಭಾವಿಸದಿರಿ. ಈಗಾಗಲೇ ಕಂಪನಿಯು ಹೆಚ್ಚಿನ ಡ್ರಾಗನ್ ಕಾರುಗಳನ್ನು ಮಾರಾಟಮಾಡಿಯಾಗಿದೆಯಂತೆ.

ಐಷಾರಾಮಿ ಕಾರು ಮಾರಾಟದಲ್ಲಿ ಚೀನಾವು ಅಮೆರಿಕವನ್ನು ಹಿಂದಿಕ್ಕಿದೆ. ಬ್ರಿಟನಿನ ರೋಲ್ಸ್ ರಾಯ್ಸ್ ಮತ್ತು ಬೆಂಟ್ಲಿ ಕಾರು ಇಲ್ಲಿ ಬೆಸ್ಟ್ ಸೆಲ್ಲರ್ ಕಾರುಗಳಾಗಿವೆ. ಚೀನಾದಲ್ಲಿ ಕೋಟ್ಯಾಧೀಪತಿಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆಯಂತೆ.