ಎರ್ಟಿಗಾ, ಡಸ್ಟರ್, ಎಕ್ಸ್‌ಯುವಿ: ಮುಗಿಯದ ಹವಾ

ಚಿತ್ರಲೋಕ

ನೀವು ಇತ್ತೀಚೆಗೆ ಮಾರುತಿ ಎರ್ಟಿಗಾ, ರೆನೊ ಡಸ್ಟರ್, ಮಹೀಂದ್ರ ಎಕ್ಸ್ ಯುವಿ ಬುಕ್ಕಿಂಗ್ ಮಾಡಿಕೊಂಡಿದ್ರೆ ಅದರ ವೇಟಿಂಗ್ ಪಿರೆಯಿಡ್ ಹೆಚ್ಚಳವಾಗಿರುವುದು ನಿಮ್ಮ ಗಮನಕ್ಕೆ ಬಂದಿರಬಹುದು.

ಈ ಯುಟಿಲಿಟಿ ವಾಹನಗಳಿಗೆ ಅತ್ಯಧಿಕ ಬೇಡಿಕೆಯಿರುವುದೇ ವೇಟಿಂಗ್ ಪಿರೆಯಿಡ್ ಹೆಚ್ಚಳಕ್ಕೆ ಕಾರಣ. ಈ ಕಂಪನಿಗಳು ಎಲ್ಲಾ ಪಾಳಿಗಳಲ್ಲೂ ಕೆಲಸ ಮಾಡಿ ಈ ಕಾರುಗಳ ಉತ್ಪಾದನೆ ಹೆಚ್ಚಿಸಲು ಪ್ರಯತ್ನಿಸುತ್ತಿವೆ.

ನಮಗೆ ದೊರಕಿದ ತಾಜಾ ಮಾಹಿತಿ ಪ್ರಕಾರ ರೆನೊ ಕಂಪನಿಯಂತೂ ಡಸ್ಟರ್ ಉತ್ಪಾದನೆ ಹೆಚ್ಚಿಸಲು ಶತಾಯಗತಾಯ ಪ್ರಯತ್ನಿಸುತ್ತಿದೆ. ಮುಂದಿನ ದಿನಗಳಲ್ಲಿ ಕಾಂಪ್ಯಾಕ್ಟ್ ಎಸ್ ಯುವಿ ಡಸ್ಟರ್ ಉತ್ಪಾದನೆಯನ್ನು ದ್ವಿಗುಣಗೊಳಿಸುವ ಯೋಜನೆಯನ್ನು ಕಂಪನಿ ಹೊಂದಿದೆ.

ಮಹೀಂದ್ರ ಸಹ XUV 5oo ಉತ್ಪಾದನೆಯನ್ನು ಶೇಕಡ 25ರಷ್ಟು ಹೆಚ್ಚಿಸಲು ಆಲೋಚಿಸುತ್ತಿದೆ. ಮಾರುತಿ ಸುಜುಕಿ ಈಗಾಗಲೇ ಎರ್ಟಿಗಾ ಉತ್ಪಾದನೆಯನ್ನು ಎರಡು ಪಟ್ಟು ಹೆಚ್ಚಿಸಿದೆ. ಆದರೂ ಬೇಡಿಕೆ ಹೆಚ್ಚಿರುವುದರಿಂದ ಉತ್ಪಾದನಾ ಸಾಮರ್ಥ್ಯವನ್ನು ಇನ್ನಷ್ಟು ಹೆಚ್ಚಿಸಲು ಯೋಜಿಸಿದೆ.

ದೀಪಾವಳಿ ವೇಳೆಗೆ ಈ ಕಾರುಗಳಲ್ಲಿ ಯಾವುದಾದರೂ ನಿಮ್ಮ ಮನೆ ಬಾಗಿಲ ಮುಂದಿರಬೇಕಾದ್ರೆ ಈಗ್ಲೇ ಬುಕ್ಕಿಂಗ್ ಮಾಡುವುದು ಒಳಿತು.