ಅಗ್ಗವಾಗಲಿದೆ ಎಂಟ್ರಿ ಲೆವೆಲ್ ಲಗ್ಷುರಿ ಕಾರುಗಳ ದರ

ಚಿತ್ರಲೋಕ

ಈ ಮೂರು ಲಗ್ಷುರಿ ಕಾರು ಕಂಪನಿಗಳು ಶೀಘ್ರದಲ್ಲಿ ಅಗ್ಗದ ದರದಲ್ಲಿ ಐಷಾರಾಮಿ ಕಾರುಗಳನ್ನು ಪರಿಚಯಿಸಲಿವೆ. ಮರ್ಸಿಡಿಸ್ ಬೆಂಝ್ ಕಂಪನಿಯು ಮಿನಿ ಸ್ಪೋರ್ಟ್ ಟೂರರ್ ಬಿ ಕ್ಲಾಸ್ ಕಾರು ಪರಿಚಯಿಸಲಿದೆ. ಈಗಾಗಲೇ ಕಂಪನಿಯ ಎ-ಕ್ಲಾಸ್ ಕಾರುಗಳಿಗೆ ಸಖತ್ ಬೇಡಿಕೆಯಿದೆ.

ಆಡಿ ಕೂಡ ಎ3 ಎಂಬ ಹ್ಯಾಚ್ ಬ್ಯಾಕ್ ಕಾರೊಂದನ್ನು ಪರಿಚಯಿಸಲು ಯೋಜಿಸಿದೆ. ಬಿಎಂಡಬ್ಲ್ಯು ಕೂಡ ಎಂಟ್ರಿ ಲೆವೆಲ್ ಕಾರೊಂದನ್ನು ಅಭಿವೃದ್ಧಿಪಡಿಸುವಲ್ಲಿ ಬ್ಯುಸಿಯಾಗಿದೆ. ಇದು ಎಕ್ಸ್1ಗಿಂತ ಕಡಿಮೆ ದರದ ಕಾರಾಗಿರಲಿದೆ ಎಂದು ಮೂಲಗಳು ಹೇಳಿವೆ. ಕಂಪನಿಯು 1 ಸೀರಿಸ್ ಕಾರು ಪರಿಚಯಿಸಲು ಕೂಡ ಯೋಜಿಸಿದೆ.

ದೇಶದ ಐಷಾರಾಮಿ ಕಾರು ಮಾರುಕಟ್ಟೆಯಲ್ಲಿನ ಈ ಹೊಸ ಬೆಳವಣಿಗೆಯಿಂದಾಗಿ ದೇಶದ ಗ್ರಾಹಕರಿಗೆ ಕಡಿಮೆ ದರಕ್ಕೆ ಐಷಾರಾಮಿ ಕಾರು ಖರೀದಿಸುವ ಅವಕಾಶ ದೊರಕಲಿದೆ. ಈ ಮೂರು ಕಂಪನಿಗಳ ನಡುವೆ ಪೈಪೋಟಿ ಹೆಚ್ಚಾಗಲಿದೆ. ಪರಿಣಾಮವಾಗಿ ದರ ಸಮರ ಕೂಡ ನಿರೀಕ್ಷಿಸಬಹುದು.