ನೋ ಡೀಸೆಲ್ ಸಿಟಿ, ಓನ್ಲಿ ಪೆಟ್ರೋಲ್ ಸಿಟಿ

ಪೆಟ್ರೋಲ್ ದರ ದುಬಾರಿಯಾಗುತ್ತಿದ್ದಂತೆ ಡೀಸೆಲ್ ಕಾರುಗಳ ಬೇಡಿಕೆ ಒಮ್ಮಿಂದೊಮ್ಮೆ ಹೆಚ್ಚಾಗಿತ್ತು. ಕಚ್ಚಾ ಸಾಮಾಗ್ರಿ ದರ ಮತ್ತು ಬಡ್ಡಿದರ ಕೂಡ ಗಗನದತ್ತ ಮುಖ ಮಾಡಿತ್ತು. ಈ ಸಂದರ್ಭದಲ್ಲಿ ಹೆಚ್ಚು ಜನರು ಡೀಸೆಲ್ ಕಾರುಗಳತ್ತ ಮುಖ ಮಾಡಿದ್ದಾರೆ.

ಜನರ ಡೀಸೆಲ್ ಟ್ರೆಂಡನ್ನು ಬಾಚಿಕೊಳ್ಳುವಲ್ಲಿ ಜಾಗತಿಕ ವಾಹನ ಕಂಪನಿಗಳು ಸಮಯ ಪ್ರಜ್ಞೆ ಮೆರೆದಿವೆ. ಕಳೆದ ವರ್ಷದಿಂದ ಹತ್ತು ಹಲವು ಡೀಸೆಲ್ ಕಾರುಗಳು ರಸ್ತೆಗಿಳಿದಿವೆ. ಇದೇ ಸಮಯದಲ್ಲಿ ಹೋಂಡಾ ಕಂಪನಿ ಕೂಡ ಸಿಟಿ ಡೀಸೆಲ್ ಆವೃತ್ತಿ ಹೊರತರುವುದಾಗಿ ವದಂತಿಗಳು ಜೋರಾಗಿದ್ದವು. ಆದರೆ ಈ ವರ್ಷ ಸಿಟಿ ಡೀಸೆಲ್ ಆಗಮಿಸುವ ಆಸೆಯಿಟ್ಟುಕೊಳ್ಳಬೇಡಿ ಎನ್ನುವ ಮೂಲಕ ಗ್ರಾಹಕರ ನಿರೀಕ್ಷೆಗೆ ಹೋಂಡಾ ತಣ್ಣೀರೆಚಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)