ಏರ್‌ಬ್ಯಾಗ್ ಸಮಸ್ಯೆ: ಲಕ್ಷ ಲಕ್ಷ ಹ್ಯುಂಡೈ ಕಾರುಗಳ ಹಿಂಪಡೆತ

ಚಿತ್ರಲೋಕ

2007ರಿಂದ 2009ರವರೆಗೆ ಉತ್ಪಾದನೆಯಾದ ಸುಮಾರು 2 ಲಕ್ಷಕ್ಕೂ ಹೆಚ್ಚು ಸಾಂತಾ ಫೆ ಮತ್ತು ಸೊನಾಟಾ ಕಾರುಗಳನ್ನು ಕಂಪನಿಯು ಹಿಂಪಡೆಯಲಿದೆ ಎಂದು ರಾಷ್ಟ್ರೀಯ ಹೆದ್ದಾರಿ ಸುರಕ್ಷತೆ ಪ್ರಾಧಿಕಾರ(ಅಮೆರಿಕ) ಹೇಳಿದೆ. ಈ ರಿಕಾಲ್ ಭಾರತದ ಕಾರುಗಳಿಗೆ ಅನ್ವಯವಾಗುವುದಿಲ್ಲ.

ಹ್ಯುಂಡೈ ಸಾಂತಾ ಫೆ ಕಾರಿನ ಮುಂಭಾಗದ ಪ್ರಯಾಣಿಕ ಏರ್ ಬ್ಯಾಗ್ ಅಪಘಾತದ ಸಮಸ್ಯೆಯಲ್ಲಿ ತೆರೆಯುವುದಿಲ್ಲವೆಂದು ವಿಶ್ಲೇಷಕರು ಹೇಳಿದ್ದಾರೆ. ಕ್ಲಾಸಿಫಿಕೆಷನ್ ಸಿಸ್ಟಮ್ ಸಮಸ್ಯೆಯಿಂದ ಈ ತೊಂದರೆ ಕಾಣಿಸಿಕೊಂಡಿದೆ. ಇದನ್ನು ಸರಿಪಡಿಸಿಕೊಡುವಂತೆ ಅಮೆರಿಕ ಹೆದ್ದಾರಿ ಪ್ರಾಧಿಕಾರ ಸೂಚಿಸಿದೆ.

ಇದೇ ರೀತಿಯ ಸಮಸ್ಯೆ ಹ್ಯುಂಡೈ ಸೊನಾಟಾ ಕಾರಿನಲ್ಲೂ ಪತ್ತೆಯಾಗಿದೆ. ಇದಕ್ಕಾಗಿ 2012-13 ಮಾಡೆಲಿನ ಸುಮಾರು 22 ಸಾವಿರ ಸೊನಾಟಾ ಸೆಡಾನುಗಳನ್ನು ಹಿಂಪಡೆಯಲು ಕಂಪನಿ ನಿರ್ಧರಿಸಿದೆ.

ವಿದೇಶಗಳಲ್ಲಿ ವಾಹನಗಳಲ್ಲಿ ಸಣ್ಣಪುಟ್ಟ ಸಮಸ್ಯೆ ಕಂಡುಬಂದರೂ ವಾಹನಗಳನ್ನು ಹಿಂಪಡೆಯಲಾಗುತ್ತದೆ. ಆದರೆ ದೇಶದಲ್ಲಿ ಇನ್ನೂ ಇಂತಹ ವ್ಯವಸ್ಥೆ ಬಂದಿಲ್ಲ. ಹೀಗಾಗಿ ಬ್ರಾಂಡ್ ಇಮೇಜಿಗೆ ಪೆಟ್ಟಾಗುವ ಭೀತಿಯಲ್ಲಿ ವಾಹನ ಕಂಪನಿಗಳು ಹಿಂಪಡೆತಕ್ಕೆ ಮುಂದಾಗುತ್ತಿಲ್ಲ.