ಇಂಡಿಯನ್ ಜಿಪಿ; ನಾಯಿಗಳ ಹಾವಳಿ ತಡೆಯಲು ಭಾರಿ ಭದ್ರತೆ

ಚಿತ್ರಲೋಕ

ನವದೆಹಲಿಯ ಗ್ರೇಟರ್ ನೋಯ್ಡಾದಲ್ಲಿರುವ ಬುದ್ಧ ಅಂತರಾಷ್ಟ್ರೀಯ ಸೆರ್ಕ್ಯೂಟ್‌ನಲ್ಲಿ ಈಗಾಗಲೇ ಎಫ್-1 ಅಭ್ಯಾಸ ರೇಸ್‌ಗಳು ಆರಂಭಿಸಿದ್ದು, ಭಾನುವಾರ ಅಪರಾಹ್ನ ಬಳಿಕ ಚಾಂಪಿಯನ್‌ಶಿಪ್ ರೇಸ್ ನಡೆಯಲಿದೆ. ಇದರಂತೆ ನಾಯಿ ಸೇರಿದಂತೆ ಇತರ ಪ್ರಾಣಿಗಳು ಟ್ರ್ಯಾಕ್‌ಗೆ ಬರದಂತೆ ಎಚ್ಚರಿಕೆ ವಹಿಸಲಾಗುತ್ತಿದೆ.

ಶ್ರವಣಾತೀತ ಪರಿಕರಗಳನ್ನು ಬಳಸುವ ಮೂಲಕ ನಾಯಿಗಳ ಹಾವಳಿಗಳನ್ನು ತಡೆಗಟ್ಟಲಾಗುತ್ತಿದೆ. ಅಲ್ಲದೆ ನಾಯಿಗಳ ಹಾವಳಿಗಳನ್ನು ತಡೆಯಲು ಟ್ರ್ಯಾಕ್ ಸುತ್ತಲು ಹೆಚ್ಚಿನ ಸಂಖ್ಯೆಯ ಸಿಬ್ಬಂದಿಗಳನ್ನು ನಿಯೋಜಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಎಫ್-1 ಸೆರ್ಕ್ಯೂಟ್ ಆರರಿಂದ ಏಳು ಎಂಟ್ರಿ ಪಾಯಿಂಟ್‌‍ಗಳಿದ್ದು ಎಲ್ಲ ಕಡೆಗಳಲ್ಲೂ ಸಂರಕ್ಷಣೆ ನೀಡಲಾಗಿದೆ. ಕಳೆದ ಬಾರಿ ಕಾಮಗಾರಿ ನಡೆಯುತ್ತಿದ್ದ ಪ್ರದೇಶದಿಂದ ನಾಯಿ ಒಳ ನುಗ್ಗಿದ್ದರ ಪರಿಣಾಮ ಸಮಸ್ಯೆ ಸೃಷ್ಟಿಯಾಗಿತ್ತು ಎಂದು ಸಂಘಟಕರು ತಿಳಿಸಿದ್ದಾರೆ.