ಮಾರುತಿ 800 ತದ್ರೂಪಿ ಕಾರು ರಸ್ತೆಗಿಳಿಯಲು ಸಿದ್ಧತೆ

ಚಿತ್ರಲೋಕ

ಮಾರುತಿ ಸುಜುಕಿ ಕಂಪನಿಯು 1983ರಲ್ಲಿ ಮಾರುತಿ 800 ಕಾರನ್ನು ಪರಿಚಯಿಸಿತ್ತು. ಇದೀಗ ಪರಿಚಯಿಸಲು ಯೋಜಿಸಿರುವುದು ನೂತನ ಬ್ರಾಂಡ್ ಕಾರು. ಅಂದರೆ ಹೊಸ ಕಾರಿನ ವಿನ್ಯಾಸ, ವಿಶೇಷತೆಗಳು ಮಾರುತಿ 800ಗಿಂತ ಭಿನ್ನವಾಗಿರಲಿದೆ ಎಂದು ಮಾರುತಿ ಸುಜುಕಿ ಕಚೇರಿ ಮೂಲಗಳು ಮಾಹಿತಿ ನೀಡಿವೆ.

ನೂತನ ಸಣ್ಣಕಾರಿನ ದರ 2.5 ಲಕ್ಷ ರುಪಾಯಿಯಿಂದ 3.5 ಲಕ್ಷ ರು.ವರೆಗಿರಲಿದೆ. ಎಂಟ್ರಿ ಲೆವೆಲ್ ಆಲ್ಟೊ ಕಾರಿಗೆ ಬಳಸಿದ ಎಫ್8ಡಿ ಎಂಜಿನ್ ಇದರಲ್ಲೂ ಇರುವ ನಿರೀಕ್ಷೆಯಿದೆ. ನೂತನ ಕಾರು ಆರಂಭಿಕ ಕಾರು ಖರೀದಿದಾರರಿಗೆ ಸೂಕ್ತ ಆಯ್ಕೆಯಾಗಲಿದೆ.

ಪ್ರತಿತಿಂಗಳು ಸುಮಾರು 2 ಸಾವಿರದಷ್ಟು ಮಾರುತಿ 800 ಮಾರಾಟವಾಗುತ್ತಿದ್ದರಿಂದ ಕಂಪನಿಯು ಈ ಸ್ಥಾನಕ್ಕೆ ಬೇರೊಂದು ಕಾರನ್ನು ಪರಿಚಯಿಸಲು ಯೋಜಿಸಿದೆ ಎಂದು ಕಂಪನಿ ಮೂಲಗಳು ತಿಳಿಸಿವೆ. ಆದರೆ ನೂತನ ಕಾರು ಹೊಸ ಪ್ಲಾಟ್‌ಫಾರ್ಮ್‌ನಲ್ಲಿ ಆಗಮಿಸಲಿದೆಯಂತೆ.

ಈಗ ಪ್ರತಿತಿಂಗಳಿಗೆ ಸುಮಾರು 20 ಸಾವಿರ ಯುನಿಟ್‌ನಷ್ಟು ಆಲ್ಟೊ ಕಾರುಗಳು ಮಾರಾಟವಾಗುತ್ತಿವೆ. ಈ ವರ್ಷದ ಅಂತ್ಯಕ್ಕೆ ಆಗಮಿಸಲಿರುವ ಕಾರು ಅತ್ಯಧಿಕ ಇಂಧನ ದಕ್ಷತೆ ಮತ್ತು ಕಡಿಮೆ ಮೇಟೆಂನ್ಸ್ ವೆಚ್ಚ ಹೊಂದಿರಲಿದೆ ಎಂದು ಮಾರುತಿ ಮೂಲಗಳು ತಿಳಿಸಿವೆ. (ಕನ್ನಡ ಡ್ರೈವ್‌ಸ್ಪಾರ್ಕ್)