ಡೀಸೆಲ್ ಕಾರು ಕುರಿತು ಮಾರುತಿ ಸುಜುಕಿ ಭರವಸೆ

ಚಿತ್ರಲೋಕ

ಮಾರುತಿ ಸುಜುಕಿ ಇಂಡಿಯಾ ಕಂಪನಿಯು ಬೃಹತ್ ಡೀಸೆಲ್ ಕಾರು ತಯಾರಿಕಾ ಕಂಪನಿಯಾಗಲಿದೆ ಎಂದು ಭಾರ್ಗವ ಹೇಳಿದ್ದಾರೆ. ಈಗ ಹೆಚ್ಚು ಜನರು ಪೆಟ್ರೋಲ್ ಕಾರುಗಳಿಗಿಂತ ಡೀಸೆಲ್ ಕಾರುಗಳಿಗೆ ಹೆಚ್ಚಿನ ಬೇಡಿಕೆಯಿಡುತ್ತಿದ್ದಾರೆ. ಹೀಗಾಗಿ ಕಂಪನಿಯು ಡೀಸೆಲ್ ಕಾರು ಉತ್ಪಾದನೆಗೆ ಹೆಚ್ಚು ಒತ್ತು ನೀಡಲಿದೆ ಎಂದರು.

ಸಣ್ಣಕಾರು ಸ್ಪೆಷಲಿಸ್ಟ್ ಆಗಿದ್ದ ಮಾರುತಿ ಸುಜುಕಿ ಕಂಪನಿಯು ಈಗ ಹಲವು ಡೀಸೆಲ್ ಕಾರುಗಳನ್ನು ಮಾರುಕಟ್ಟೆಗೆ ಬಿಟ್ಟಿದೆ. ಈಗ ಎರ್ಟಿಗಾ ಎಂಪಿವಿ, ಸ್ವಿಫ್ಟ್, ಸ್ವಿಫ್ಟ್ ಡಿಜೈರ್ ಮತ್ತು ಮಾರುತಿ ಎಸ್ಎಕ್ಸ್4 ಕಾರುಗಳು ಡೀಸೆಲ್ ಎಂಜಿನ್ ಆಯ್ಕೆಯಲ್ಲಿ ಲಭ್ಯವಿದೆ.

ಮುಂದಿನ ಕೆಲವೇ ವರ್ಷಗಳಲ್ಲಿ ಕಂಪನಿಯು ಡೀಸೆಲ್ ಎಂಜಿನ್ ಉತ್ಪಾದನೆ ಹೆಚ್ಚಿಸಲು ನಿರ್ಧರಿಸಿದೆ. ಈಗ ಕಂಪನಿಯು ಡೀಸೆಲ್ ಎಂಜಿನ್ ಹೆಚ್ಚುವರಿ ಬೇಡಿಕೆಯನ್ನು ಫಿಯೆಟ್ ಕಂಪನಿಯಿಂದ ಪೂರೈಸಿಕೊಳ್ಳುತ್ತಿದೆ.

ಮಾರುತಿ ಸುಜುಕಿ ಕಂಪನಿಯು ಈಗ ವರ್ಷಕ್ಕೆ 3 ಲಕ್ಷ ಡೀಸೆಲ್ ಎಂಜಿನ್ ಉತ್ಪಾದನೆ ಸಾಮರ್ಥ್ಯ ಹೊಂದಿದೆ. 2014ರ ವೇಳೆಗೆ ಇದನ್ನು ವರ್ಷಕ್ಕೆ 7 ಲಕ್ಷ ಯುನಿಟಿಗೆ ಹೆಚ್ಚಿಸುವ ಗುರಿ ಹೊಂದಿದೆ.

ಕಂಪನಿಯು ಮಾನೆಸರಿನಲ್ಲಿ ಎರಡು ಹೆಚ್ಚುವರಿ ಘಟಕಗಳನ್ನು ನಿರ್ಮಿಸಿದೆ. ಇದರಿಂದ ಹೆಚ್ಚುವರಿ ಡೀಸೆಲ್ ಎಂಜಿನ್ ಉತ್ಪಾದನೆ ಸಾಧ್ಯವಿದೆ. ಗುಜರಾತಿನಲ್ಲಿ ನಿರ್ಮಿಸಲಿರುವ ಹೊಸ ಘಟಕದಲ್ಲೂ ಕಂಪನಿಯು ಡೀಸೆಲ್ ಎಂಜಿನ್ ಉತ್ಪಾದಿಸಲಿದೆ. ಒಟ್ಟಾರೆ ಕಂಪನಿಯು ಮುಂದಿನ ದಿನಗಳಲ್ಲಿ ಡೀಸೆಲ್ ಕಾರು ಉತ್ಪಾದನೆಗೆ ಹೆಚ್ಚಿನ ಒತ್ತು ನೀಡುವುದು ಸ್ಪಷ್ಟವಾಗಿದೆ.