ಆಲ್ಟೊ, ವ್ಯಾಗನಾರ್, ಎಸ್ಟಿಲೊ, ಸ್ವಿಫ್ಟ್, ಭರ್ಜರಿ ಡಿಸ್ಕೌಂಟ್

ಚಿತ್ರಲೋಕ

ಕಂಪನಿಯು ಮಾರುತಿ 800 ಕಾರಿಗೆ ಸುಮಾರು 19 ಸಾವಿರ ರುಪಾಯಿ ವಿನಾಯಿತಿ ಪ್ರಕಟಿಸಿದೆ. ಕಂಪನಿಯು ಈಗಾಗಲೇ ಮಾರುತಿ 800 ಉತ್ಪಾದನೆ ನಿಲ್ಲಿಸಿರುವುದರಿಂದ ಯಾರೂ ಕೂಡ ಹೆಚ್ಚು ಡಿಸ್ಕೌಂಟ್ ಬಯಸುವುದಿಲ್ಲ. ಆದರೆ ಮಾರುತಿ ಆಲ್ಟೊ ಎಫ್8ಡಿ, ಎಫ್8ಡಿ ಸಿಎನ್ ಜಿ ಎಲ್ಎಕ್ಸ್ಐ ಮತ್ತು ಕೆ10 ಕಾರುಗಳಿಗೆ ಕಂಪನಿಯು 45 ಸಾವಿರ ರುಪಾಯಿಯಿಂದ 50 ಸಾವಿರ ರುಪಾಯಿವರೆಗೆ ದರ ವಿನಾಯಿತಿ ನೀಡುತ್ತಿದೆ.

ವ್ಯಾಗನಾರ್ ಪೆಟ್ರೋಲ್, ಡ್ಯೊ, ಸಿಎನ್ಜಿ ಆವೃತ್ತಿಗಳಿಗೆ ಮಾರುತಿ ಸುಜುಕಿ ಕಂಪನಿಯು 43 ಸಾವಿರ ರುಪಾಯಿಯಿಂದ 50 ಸಾವಿರ ರುಪಾಯಿವರೆಗೆ ಡಿಸ್ಕೌಂಟ್ ಪ್ರಕಟಿಸಿದೆ. ಎಸ್ಟಿಲೊ ಪೆಟ್ರೋಲ್ ಮತ್ತು ಸಿಎನ್ಜಿ ಆವೃತ್ತಿಗಳಿಗೆ ಕಂಪನಿಯು 55 ಸಾವಿರ ರುಪಾಯಿ ಡಿಸ್ಕೌಂಟ್ ನೀಡುತ್ತಿದೆ.

ಜೊತೆಗೆ ಮಾರುತಿ ಎಕೊ ಪೆಟ್ರೋಲ್ ಮತ್ತು ಸಿಎನ್ಜಿ ಕಾರುಗಳಿಗೆ ಕಂಪನಿಯು 15 ಸಾವಿರ ರುಪಾಯಿ ದರ ತಗ್ಗಿಸಿದೆ. ಮಾರುತಿ ಆಮ್ನಿ ಕೂಡ 12 ಸಾವಿರ ರುಪಾಯಿ ಅಗ್ಗವಾಗಿದೆ. ಮಾರುತಿ ಸುಜುಕಿ ಸ್ವಿಫ್ಟ್ ಪೆಟ್ರೋಲ್ ಆವೃತ್ತಿ ದರವೂ 15 ಸಾವಿರ ರುಪಾಯಿ ಕಡಿಮೆಯಾಗಿದೆ.

ವಿಶೇಷವೆಂದರೆ ಮಾರುತಿ ಸುಜುಕಿ ರಿಟ್ಜ್ ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿಗಳೆರಡರ ದರವೂ ಕಡಿಮೆಯಾಗಿದೆ. ಕಂಪನಿಯು ರಿಟ್ಜ್ ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳಿಗೆ ಕ್ರಮವಾಗಿ 41 ಸಾವಿರ ರುಪಾಯಿ ಮತ್ತು 20 ಸಾವಿರ ರುಪಾಯಿ ಕಡಿಮೆ ಮಾಡಿದೆ.

ಮಾರುತಿ ಸುಜುಕಿ ಕಂಪನಿಯು ಎಸ್ಎಕ್ಸ್4 ಪೆಟ್ರೋಲ್, ಸಿಎನ್ ಜಿ ಮತ್ತು ಡೀಸೆಲ್ ಆವೃತ್ತಿಗಳಿಗೂ ದರ ವಿನಾಯಿತಿ ಪ್ರಕಟಿಸಿದೆ. ಈ ಆವೃತ್ತಿಗಳಿಗೆ ಸುಮಾರು 71 ಸಾವಿರ ರುಪಾಯಿವರೆಗೆ ಡಿಸ್ಕೌಂಟ್ ಇದೆ.