ಹುರ್ರೆ, ಗ್ರಾಹಕನಿಗೆ ಮಾರುತಿಯಿಂದ ಉಚಿತ ಪೆಟ್ರೋಲ್

ಚಿತ್ರಲೋಕ

ನೂತನ ಆಫರ್ ಮೂಲಕ ಗ್ರಾಹಕರು 36 ಲೀಟರ್ ಪೆಟ್ರೋಲ್ ಪಡೆಯಬಹುದಾಗಿದೆ. ಪ್ರತಿಲೀಟರಿಗೆ 80 ರುಪಾಯಿ ಲೆಕ್ಕದಲ್ಲಿ ಸುಮಾರು 2,800 ರುಪಾಯಿ ಉಳಿಸಬಹುದು. ಸರಾಸರಿ ಮೈಲೇಜ್ ಲೆಕ್ಕದಲ್ಲಿ ಹೇಳುವುದಾದರೆ ಗ್ರಾಹಕರು ಸುಮಾರು 540 ಕಿ.ಮೀ. ದೂರ ಸಾಗಬಹುದು. ನಂತರ ತಮ್ಮ ಸ್ವಂತ ದುಡ್ಡಿನಲ್ಲಿ ಪೆಟ್ರೋಲ್ ಹಾಕಿಕೊಳ್ಳಬಹುದು.

ಮಾರುತಿ ಸುಜುಕಿ ಮಾತ್ರವಲ್ಲದೇ ಇತರ ಕಾರು ಕಂಪನಿಗಳು ಕೂಡ ಪೆಟ್ರೋಲ್ ಕಾರುಗಳಿಗೆ ಹಲವು ರೀತಿಯ ಆಫರುಗಳನ್ನು ನೀಡುತ್ತಿವೆ. ಕೆಲವೊಂದು ಕಂಪನಿಗಳು ಉಚಿತ ವಿಮೆ, ವಾರೆಂಟಿ ವಿಸ್ತರಣೆ, ದರ ವಿನಾಯಿತಿ ಮೂಲಕ ಗ್ರಾಹಕರನ್ನು ಸೆಳೆಯಲು ಯತ್ನಿಸುತ್ತಿವೆ. ಆದರೆ ಪೆಟ್ರೋಲ್ ಮೂಲಕ ಗ್ರಾಹಕರಿಗೆ ಗಾಳ ಹಾಕುವ ಐಡಿಯಾ ಬಂದದ್ದು ಮಾರುತಿಗೆ ಮಾತ್ರ ಎನ್ನಬಹುದು.

ಪೆಟ್ರೋಲ್ ಕಾರುಗಳಿಗೆ ಮಾರುತಿ ಸುಜುಕಿ ಕಂಪನಿಯು ಭಾರಿ ಪ್ರಮಾಣದಲ್ಲಿ ದರ ವಿನಾಯಿತಿ ನೀಡುತ್ತಿದೆ. ಮಾರುತಿ ಪೆಟ್ರೋಲ್ ಕಾರು ಖರೀದಿಸಿದರೆ ಗ್ರಾಹಕರು ಸುಮಾರು 18 ಸಾವಿರ ರುಪಾಯಿಯಿಂದ 30 ಸಾವಿರ ರುಪಾಯಿವರೆಗೆ ದುಡ್ಡು ಉಳಿಸಬಹುದು. ಆಲ್ಟೊ ಕಾರಿಗೆ ಕಂಪನಿಯು ಸುಮಾರು 30 ಸಾವಿರ ರುಪಾಯಿ ದರ ವಿನಾಯಿತಿ ಮಾಡಿದೆ. ಎ-ಸ್ಟಾರ್, ವ್ಯಾಗನಾರ್, ಎಸ್ಟಿಲೊ ಕಾರುಗಳಿಗೂ ಕಂಪನಿ ದರ ವಿನಾಯಿತಿ ನೀಡಿದೆ.