ಮಾರುತಿ ಡಿಜೈರ್ ಸ್ಟಾಕ್ ಖಾಲಿ, ಪ್ರತಿಸ್ಪರ್ಧಿಗಳಿಗೆ ಸುವರ್ಣಾವಕಾಶ

ಚಿತ್ರಲೋಕ

ಈ ಹಬ್ಬದ ಅವಧಿಗೆ ಸುಮಾರು ಆರು ಹೊಸ ಕಾರುಗಳು ಆಗಮಿಸಲಿವೆ ಎಂದು ಎಕಾನಮಿಕ್ ಟೈಮ್ಸ್ ವರದಿ ಹೇಳಿದೆ. ಮಾನೆಸರ್ ಘಟಕದಲ್ಲಿ ಇತ್ತೀಚೆಗೆ ನೌಕರರ ಗಲಭೆಯಿಂದ ಮಾರುತಿ ಸುಜುಕಿ ಕಂಪನಿಯು ಮಾನೆಸರ್ ಘಟಕಕ್ಕೆ ಬೀಗ ಹಾಕಿತ್ತು. ಅಲ್ಲಿಗೆ ನಮ್ಮ ರಾಜ್ಯದ ದೈವಜ್ಞ ಸೋಮಯಾಜಿ ವಾಸ್ತು ಪೂಜೆ ಮಾಡಲು ಹೋದ ಕಥೆ ಗೊತ್ತಲ್ವ?

ಈ ಹಬ್ಬದ ಸೀಸನಿನಲ್ಲಿ ಟಾಟಾ ಇಂಡಿಗೊ ಮಾಂಝಾ ಸಿಎಸ್, ಜನರಲ್ ಮೋಟರ್ಸ್ ಕಂಪನಿಯ ಷೆವರ್ಲೆ ಸೇಲ್, ಮಹೀಂದ್ರ ವೆರಿಟೊ, ಹೊಸ ಅಂಬಾಸಡರ್ ಕಾರು, ರೆನೊ ಸ್ಕಾಲಾ ಮತ್ತು ಫೋರ್ಡ್ ಹೊಸ ಫಿಯೆಸ್ಟಾ ಕಾರುಗಳು ಆಗಮಿಸುವ ನಿರೀಕ್ಷೆಯಿದೆ.

ಮಾರುತಿ ಸುಜುಕಿ ಡಿಜೈರ್ ಕಾರಿನ ದಾಸ್ತಾನು ಖಾಲಿಯಾಗಿರುವುದರಿಂದ ಈ ಕಂಪನಿಗಳು ಆದಷ್ಟು ಬೇಗ ಹೊಸ ಕಾರುಗಳನ್ನು ಪರಿಚಯಿಸಲು ಯೋಜಿಸಿವೆಯಂತೆ. ಈ ಸಮಯದಲ್ಲಿ ಹಳೆ ಕಾರುಗಳಾದ ಟಾಟಾ ಇಂಡಿಗೊ ಸಿಎಸ್, ಟೊಯೊಟಾ ಎಟಿಯೋಸ್, ಹ್ಯುಂಡೈ ಅಸೆಂಟ್ ಮತ್ತು ಷೆವರ್ಲೆ ಅವಿಯೊ ಕಾರುಗಳ ಮಾರಾಟ ಹೆಚ್ಚಿಸಿಕೊಳ್ಳಲು ಕಂಪನಿಗಳು ಪ್ರಯತ್ನಿಸುತ್ತಿವೆ.

ಈ ಆರ್ಥಿಕ ವರ್ಷದ ಮೊದಲ ನಾಲ್ಕು ತಿಂಗಳಲ್ಲಿ ಡಿಜೈರ್ ಮಾರಾಟ 58,371 ಯುನಿಟಿಗೆ ತಲುಪಿತ್ತು. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಇದು ಎರಡು ಪಟ್ಟು ಏರಿಕೆಯಾಗಿದೆ. ಬೆಂಗಳೂರಿನ ಮಾರುತಿ ಡೀಲರುಗಳ ಪ್ರಕಾರ ಈಗಲೂ ಡಿಜೈರ್ ಕಾರಿಗೆ ಅತ್ಯಧಿಕ ಬೇಡಿಕೆಯಿದೆ. ಆದರೆ ಸದ್ಯಕ್ಕೆ ನೋ ಸ್ಟಾಕ್ ಸಮಸ್ಯೆಯಿದೆ.