ಹತ್ತು ಲಕ್ಷ ಕಾರು ರಫ್ತು ಮಾಡಿದ ಮಾರುತಿ

ಚಿತ್ರಲೋಕ

"ಸುಮಾರು ಹತ್ತು ಲಕ್ಷ ಕಾರನ್ನು ವಿದೇಶಿ ಮಾರುಕಟ್ಟೆಗೆ ತಲುಪಿಸಿರುವುದು ಕಂಪನಿಯ ಪಾಲಿಗೆ ಪ್ರಮುಖ ಸಾಧನೆಯಾಗಿದೆ. ಎರಡು ವರ್ಷದ ಹಿಂದೆ ನಮಗೆ ಯುರೋಪ್ ಪ್ರಮುಖ ಮಾರುಕಟ್ಟೆಯಾಗಿತ್ತು. ಆದರೆ ಈಗ ಯುರೋಪೇತರ ರಾಷ್ಟ್ರಗಳನ್ನೂ ನಾವು ಗುರುತಿಸಿದ್ದೇವೆ. ಕಂಪನಿಯ ರಫ್ತು ಕಾರ್ಯತಂತ್ರದ ಬದ್ಧತೆಯು ಮಾರಾಟ ಹೆಚ್ಚಾಗಲು ನೆರವಾಗಿದೆ" ಎಂದು ಕಂಪನಿಯ ಎಂಡಿ ಶಿಂಝು ನಕನಿಶಿ ಹೇಳಿದ್ದಾರೆ.

ಸುಜುಕಿ ಆಲ್ಟೊ ಮತ್ತು ಸುಜುಕಿ ಸೆಲೆರಿಯೊ ಹೆಸರಿನಲ್ಲಿ ಎ-ಸ್ಟಾರ್ ಕಾರುಗಳ ಮಾರಾಟ ಹೆಚ್ಚಾಗಿದೆ. ಅಲ್ಜೇರಿಯಾ ನಮಗೆ ಪ್ರಮುಖ ಮಾರುಕಟ್ಟೆ. ಇಲ್ಲಿ ಸುಮಾರು ಒಂದು ಲಕ್ಷ ಕಾರು ಮಾರಾಟ ಮಾಡಿದ್ದೇವೆ" ಎಂದು ಅವರು ಹೇಳಿದ್ದಾರೆ.

2009-10ರಲ್ಲಿ ಮಾರುತಿ ಸುಜುಕಿ ಕಂಪನಿಯು ಸುಮಾರು 1.47 ಲಕ್ಷ ಕಾರುಗಳನ್ನು ರಫ್ತು ಮಾಡಿತ್ತು. ಇದರಲ್ಲಿ ಸುಮಾರು ಶೇಕಡ 75ರಷ್ಟು ರಫ್ತು ಯುರೋಪ್ ಮಾರುಕಟ್ಟೆಗಾಗಿತ್ತು. ಆದರೆ 2011-12ರಲ್ಲಿ ಯುರೋಪೇತರ ರಾಷ್ಟ್ರಗಳಿಗೆ ಕಂಪನಿಯ ಕಾರು ರಫ್ತು ಶೇಕಡ 23ರಿಂದ ಶೇಕಡ 66ಕ್ಕೆ ನೆಗೆದಿದೆ" ಎಂದು ಅವರು ಮಾಹಿತಿ ನೀಡಿದ್ದಾರೆ.

ಈಗ ಕಂಪನಿಯ ಸುಮಾರು 10 ಲಕ್ಷ ಕಾರುಗಳು ಜಗತ್ತಿನ 125 ರಾಷ್ಟ್ರಗಳಲ್ಲಿ ಸವಾರಿ ನಡೆಸುತ್ತಿವೆ. ಆಸಕ್ತಿದಾಯಕ ವಿಷಯವೆಂದರೆ ರಫ್ತು ವಹಿವಾಟಿನಲ್ಲಿ ಎ-ಸ್ಟಾರ್ ಕಂಪನಿಯ ಜನಪ್ರಿಯ ಕಾರಾಗಿದೆ. ಕಂಪನಿಯು 38 ತಿಂಗಳ ಹಿಂದೆ ಅಂದರೆ ಜನವರಿ 2009ರಲ್ಲಿ ಜಾಗತಿಕ ಮಾರುಕಟ್ಟೆಗೆ ಕಾರು ರಫ್ತು ಆರಂಭಿಸಿತ್ತು" ಎಂದು ನಕನಿಶಿ ಹೇಳಿದ್ದಾರೆ.