ಮಾರುತಿ ಸುಜುಕಿ ಹಳೆ ಡಿಜೈರಿಗೆ ಹೊಸ ರೂಪ

ಚಿತ್ರಲೋಕ

ಟ್ಯಾಕ್ಸಿ ಮತ್ತು ರಫ್ತು ಮಾರುಕಟ್ಟೆಯಲ್ಲಿ ಹಳೆಯ ಡಿಜೈರಿಗೆ ಈಗಲೂ ಅತ್ಯುತ್ತಮ ಬೇಡಿಕೆಯಿದೆ. ಈಗ ಪರಿಚಯಿಸಿರುವ ಡಿಜೈರ್ ಟೂರ್ ಆವೃತ್ತಿಯು ಏಪ್ರಿಲ್ ತಿಂಗಳಲ್ಲಿ ವಾಣಿಜ್ಯ ಮಾರಾಟಕ್ಕೆ ರೆಡಿಯಾಗಲಿದೆ. ಮುಖ್ಯವಾಗಿ ಟ್ಯಾಕ್ಸಿ ಮಾರುಕಟ್ಟೆಯನ್ನು ಗಮನದಲ್ಲಿಟ್ಟುಕೊಂಡು ನೂತನ ಡಿಜೈರ್ ಟೂರ್ ಕಾರನ್ನು ಕಂಪನಿ ಪರಿಚಯಿಸುತ್ತಿದೆ.

ನೂತನ ಡಿಜೈರ್ ಟೂರ್ ಆವೃತ್ತಿಯು ಡಿಜೈರ್ ಎಲ್ಎಕ್ಸ್ ಐ ಮತ್ತು ಡಿಜೈರ್ ಎಲ್ಡಿಐ ಆವೃತ್ತಿಗಳಿಗಿಂತಲೂ ಕಳಸ್ತರದ ಆವೃತ್ತಿಯಾಗಿದೆ. ಇದರಲ್ಲಿ ಏರ್ ಕಂಡಿಷನ್ ಮತ್ತು ಪವರ್ ಸ್ಟಿಯರಿಂಗ್ ಪ್ರಮುಖ ಸ್ಟಾಂಡರ್ಡ್ ಫೀಚರುಗಳಾಗಿವೆ.

ವರದಿಗಳ ಪ್ರಕಾರ ಡಿಜೈರ್ ಟೂರ್ ದರ ಟಾಟಾ ಇಂಡಿಕಾ ಎಕ್ಸ್ ಎಲ್ ಗಿಂತ ಅಗ್ಗವಾಗಿರಲಿದೆಯಂತೆ. ಡಿಜೈರ್ ಟೂರ್ ಪೆಟ್ರೋಲ್ ಆವೃತ್ತಿ ದರ 4.88 ಲಕ್ಷ ರು. ಮತ್ತು ಡೀಸೆಲ್ ಆವೃತ್ತಿ ದರ 5.91 ಲಕ್ಷ ರು. ಆಸುಪಾಸಿನಲ್ಲಿರುವ ನಿರೀಕ್ಷೆಯಿದೆ. ಇದು ದೆಹಲಿ ಎಕ್ಸ್ ಶೋರೂಂ ದರ.