ಏಪ್ರಿಲ್ ಒಂದರಿಂದ ವಾಹನ ವಿಮೆ ದುಬಾರಿ

ವಿಮೆ ಕ್ಲೈಮ್ ಸೇವೆಗಳ ವೆಚ್ಚ ಹೆಚ್ಚಾಗಿರುವ ಹಿನ್ನಲೆಯಲ್ಲಿ ಐಆರ್ ಡಿಎ ಈ ನಿರ್ಧಾರಕ್ಕೆ ಬಂದಿದೆ. ಇದರೊಂದಿಗೆ ವಾಹನ ಹಾನಿ ಪಾಲಿಸಿ ಮೊತ್ತವೂ ಏರಿಕೆ ಕಾಣುವ ಸಾಧ್ಯತೆಯಿದೆ. ನೂತನ ವಿಮಾ ದರ ಹೆಚ್ಚಳವು ವಾಣಿಜ್ಯ ವಾಹನಗಳಿಗೆ ಹೆಚ್ಚು ಪರಿಣಾಮ ಬೀರಿದೆ.

ಗೂಡ್ಸ್ ಸಾಗಿಸುವ ತ್ರಿಚಕ್ರ ವಾಹನಗಳಿಗೆ ವಿಮಾ ದರ 2,440 ರುಪಾಯಿ ಇತ್ತು. ಇದೀಗ ಹೊಸ ದರದ ಪ್ರಕಾರ ಇದು 3,415 ರುಪಾಯಿಗೆ ಏರಿಕೆ ಕಾಣಲಿದೆ.

7,500 ಕೆಜಿ ಸಾಮಾರ್ಥ್ಯದ ಟ್ರಕ್ ವಿಮಾ ದರವು 8,420 ರು.ನಿಂದ 9,818 ರು.ಗೆ ಏರಿಕೆ ಕಂಡಿದೆ. ಖಾಸಗಿ ಕಾರುಗಳ ಥರ್ಡ್ ಪಾರ್ಟಿ ವಿಮಾ ಪಾವತಿ ದರ 880 ರು.ನಿಂದ 925 ರು.ಗೆ ಹೆಚ್ಚಳ ಮಾಡಲಾಗಿದೆ. ವಾಣಿಜ್ಯ ವಾಹನಗಳಿಗೆ ಹೋಲಿಸಿದರೆ ಇದು ಕಡಿಮೆ.

ಈ ಹಿಂದೆ ವಾಣಿಜ್ಯ ವಾಹನ ವಿಮಾ ಪಾವತಿ ಹೆಚ್ಚಿಸಿದಕ್ಕೆ ಟ್ರಕ್ ಕಾರ್ಮಿಕ ಸಂಘವು ದೇಶಾದ್ಯಂತ ಮುಷ್ಕರ ನಡೆಸಿದ್ದರು. ಅಪಘಾತ ಇತ್ಯಾದಿಗಳಿಂದ ವಾಹನ ಹಾನಿ ವಿಮೆ ಪಾವತಿ ಮೊತ್ತ ಶೇಕಡ 15ರಿಂದ ಶೇಕಡ 20ರಷ್ಟು ಏರಿಕೆ ಕಂಡಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)